فوټبال؛ د جرمني اولس کلنو ځوانانو نړیوال جام وګاټه
د جرمني د ۱۷ کلنو ځوانانو د فوټبال ملي لوبډلې د فرانسې په ماتولو سره د فوټبال نړیوال جام وګاټه.
د فوټبال نړیوال فدراسیون(فیفا) له لوري د ۱۷ کلنو فوټبالرانو نړیوال جام نن شنبه د جرمني په اتلولۍ سره بشپړ شو.
یاده پایلوبه چې په اندونیزیا هېواد کې ترسره شوه، جرمني او فرانسې د دوه دوه ګولونو په وهلو سره د لوبې وخت بشپړ کړی و، خو د پینالټي شوټونو په مرحله کې ۴ د ۳ په مقابل کې جرمني بریا خپله کړه.
یاد نړیوال جام د ۲۴ هېوادونو ترمنځ د نومبر میاشتې په ۱۰مه پيل شوی و.
د ویلو ده چې دا د جرمني د ۱۷ کلنو ځوانانو لومړۍ اتلولي ده او د مالي هېواد بیا د درېیم مقام د ګټلو لپاره ارجنټاین ته ماتې ورکړه.