د افغانستان د ننګرهار ولايت د بهسودو ولسوالۍ اوسېدونکي وايي چې د پاکستان په بمبارۍ کې د يو کور ۱۸ غړي وژل شوي دي. د طالبانو حکومت ويلي چې پاکستان د فبرورۍ پر ۲۱مه شپې مهال د پکتيکا په برمل او د ننګرهار په غني خېلو او بهسودو کې بمبارۍ کې ولسي وګړي وژلي چې غچ به یې اخلي. بلخوا د پاکستان حکومت ادعا کړې چې بمباري یې "کره" وه او د هغو افغانستان مېشته "وسلوالو مرکزونه یې په نخښه" کړي چې په وروستيو کې په خیبر پښتونخوا او اسلام اباد کې په بریدونو کې ککړ ول. خو د طالبانو حکومت دا تور ردوي او وايي چې د افغانستان خاوره د چا پر ضد استعمالېدو ته نه پرېږدي. په دې اړه د فرانسې خبري اژانس له ویډیو جوړ رپورټ وګورئ.
