په افغانستان کې د طالبانو حکومت وايي د پاکستان د بمبارۍ له وجې له ډېورنډ کرښې سره پرتو سیمو څخه ۱۶،۴۰۰ کورنۍ بې کوره شوې دي. پاکستانیو پوځيانو او طالب ځواکونو له تېرې يوې اونۍ راهیسې له يو بل سره نښتې پيل کړې دي. پاکستان وايي په بمباريو کې یې پاکستاني وسلوال او د هغوی پالونکي افغان طالبان په نخښه کړې دي. خو ملګري ملتونه وايي د پاکستان په بمبارۍ کې ولسي وګړو ته مرګژوبله اوښتې ده. په کابل کې د طالبانو حکومت دريځ لري چې پاکستاني وسلوال په افغانستان کې نه شته او خپله خاوره د چا پر ضد کارېدو ته نه پرېږدي. د فرانسې خبري اژانس له ویډیو جوړ راپور.
