Rikthimi i Faikut pas 32 vjetësh në sheshin e Prishtinës
Në gusht të vitit 1990, kur Kosova ishte nën regjimin serb, Faik Rexhepi u ul këmbëkryq afër Hotelit Grand në Prishtinë, në shenjë kundërshtimi ndaj shtypjes së shqiptarëve nga forcat e atëhershme policore. Ai ishte pjesë e tubimit të mijëra shqiptarëve që prisnin ardhjen e një delegacioni amerikan, të kryesuar nga senatori Bob Dole, megjithëse tubimi u shpërnda dhunshëm nga forcat policore serbe. Ndonëse në bronz, Faiku u rikthye në vendin e njëjtë pas më shumë se tri dekadash.