Ҷангҷӯёни шарики ДОИШ 41 нафарро дар Уганда куштаанд
Ба гуфтаи мақомоти пулис, аъзои як гуруҳи ифротӣ, ки ба Давлати исломӣ изҳори садоқат кардааст ва дар шарқи Конго паноҳ мебарад, шоми 16-уми июн ба мактаби миёнаи Лубирира дар ноҳияи Мпондве ҳамла кардаанд.
Онҳо хобгоҳи мактабро ғорат карда ва сипас оташ задаанд. Мақомоти пулис нагуфтаанд, ки чанд нафар аз кушташудагон, хонандагони мактаб ҳастанд. Ҳамлаварон пас аз бедодгарӣ ба самти Боғи Миллии Вирунга ба Конго фирор кардаанд.