Новости за 27.07.2021

26-njy iýulda Mary şäherindäki ýaşaýyş jaýlaryň birinde ýangyn boldy. Azatlyk Radiosynyň Türkmenistanyň içeri işler ministrligindäki çeşmesine görä, azyndan bir ýaşaýjy otdan ýeten orta agyrlykdaky şikesleri bilen keselhana ýerleşdirilipdir. Ýangyn sebäpli iki gatly binanyň birnäçe kwartirasyna zeper ýetdi. Deslapky maglumatlara görä, ýangyna ikinji gatdaky kwartiralaryň birinde elektrik simlerindäki näsazlyk sebäp bolupdyr. Bu, şu aýda Türkmenistanda ýaşaýyş jaýlarynda bolup geçen ikinji betbagytçylykdyr. Читать дальше...

Agyr atletika boýunça Türkmenistanyň adyndan çykyş edýän sportçy Polina Gurýewa Tokio 2020 Olimpiýa oýunlarynyň 27-nji iýulda geçirilen bäsleşiklerinde kümüş medal gazandy.

“Aşgabat-siti” taslamasynyň gurluşyk meýdançasynyň ep-esli böleginde ýokary gatlakda ýerasty suwlaryň bardygy aýan edildi. Şunuň bilen baglylykda, proýekt işlerini geçirijiler onlarça belent binany öz içine alýan şeýle uly toplumyň gurluşygynyň soňy bilen uly kynçylyklar döredip biljekdiginden howatyr edýärler. Bu barada proýekte gatnaşan birnäçe hünärmen Azatlyk Radiosyna gürrüň berdi. Olaryň sözüne görä, gurluşyk ýolbaşçylary bu habar bilen prezidentiň ýanyna gitmekden gorkýarlar. Azatlyk köp ýyl... Читать дальше...

Gündogar Lebap welaýaty COVID-19 alamatly keselçiligiň güýçli tolkuny bilen ýüzbe-ýüz galýan mahaly, daşy baglanan Farap etrabynda ýerli hassahanalar näsaglary kabul edip ýetişip bilmeýär.Bu barada Azatlyk Radiosy 26-njy iýulda habar berdi. Biziň habarçymyzyň soňky maglumatlaryna görä, şu günler Farapda bir iri sport toplumynyň sport zaly koronawirus näsaglary üçin krowatlar we hassahana enjamlary bilen enjamlaşdyrylýar.

Agyr atletikaçy Polina Guryýewa Türkmenistanyň garaşsyzlyk döwrüniň taryhynda Olimpiýa oýunlarynda medal gazanan ilkinji sportsmen boldy. Türkmen agyr atletikaçy Polina Guryýewa Tokiodaky Olimpiýa oýunlarynda 59 kilograma çenli agram derejesinde kümüş medala eýe boldy. Türgen 217 kilogram agram götermek netijesini görkezdi. Bäsdeşlikde altyn medal Taýwanly Kuo Hsing-Çun 236 kg (103 + 133) tarapyndan gazanyldy. Üçünji ýere 214 kg (94 + 120) netijesi bilen Ýaponiýanyň wekili Mikiko Ando çykdy. Читать дальше...

Gyrgyzystanyň oppozision "Turan" partiýasynyň lideri Jeniş Moldokmatow tussag edilmegine garşy nägilelik bildirip, açlyk yglan etdi. Moldokmatowyň kömekçisi Erlan Bekçoro Azatlyk Radiosyna beren interwýusynda Moldokmatowyň özüne garşy goşmaça aýyplamanyň, ýagny köpçülikleýin bidüzgünçiligi guramak barada günälemeleriň öňe sürülendigi barada habar alnandan soň 26-njy iýulda açlyk yglan edendigini aýtdy. Prezident Sadyr Japarowyň aç-açan tankytçysy Moldokmatow geçen oktýabr aýynda geçirilen parlament... Читать дальше...

ABŞ-nyň Kesellere gözegçilik we öňüni alyş merkezi (CDC) we Döwlet departamenti bu ýurtlarda COVID-19 keseliniň sanynyň köpelmegi sebäpli Ispaniýa, Portugaliýa, Kipre we Gyrgyzystana syýahat edilmezlik barada duýduryş berdiler. Kesellere gözegçilik we öňüni alyş merkezi agzalan ýurtlara syýahatçylyga degişli duýduryşyny dördünji derejä çykardy we amerikalylary syýahat etmezlige çagyrdy, Döwlet departamenti bolsa, dört ýurda syýahat etmezlik barada rekomendasiýa çykardy. Kesellere gözegçilik we... Читать дальше...

ABŞ-nyň prezidenti Jo Baýden Yrakdaky amerikan goşunlarynyň söweş missiýasyny ýylyň ahyryna çenli tamamlajakdygyny, emma yrak güýçlerine maslahat bermekde we tälim bermekdäki roluny dowam etdirjekdigini aýtdy. Baýden bu barada 26-njy iýulda premýer-ministr Mustafa al-Kadhemi bilen Ak tamda duşuşanda aýtdy. Döwlet departamenti tarapyndan çap edilen iki ýurduň bilelikdäki beýanatynda howpsuzlyk gatnaşyklarynyň tälim, maslahat bermek we aňtaw maglumatlaryny paýlaşmak ugurlaryna gönükdiriljekdigi aýdylýar. Читать дальше...

Bosniýaly serbleriniň syýasy wekilleri BMG-nyň işden gidýän ýokary wekiliniň Bosniýa genosidiň inkär edilmegini gadagan etmek baradaky karary bilen baglylykda Bosniýa-Gersegowinadaky ähli esasy guramalary boýkot etdiler. Bu barada Serb Respublikasynda bosniýaly serbleriň oppozisiýa liderlerinden Branislaw Borenowiç 26-njy iýulda geçirlen metbugat ýygnagynda aýtdy. Ol yglan eden kararynyň 27-nji iýulda güýje girjekdigini we Bosniýanyň bilelikdäki prezidentligine, mejlise we hökümete täsir etjekdigini aýtdy. Читать дальше...