Новости за 08.06.2022

Köpçülikde lukmançylyk maskalaryny dakynmak tertibi Türkmenistanda mesele bolmagynda galýar. Resmi taýdan 1-nji iýundan ilatdan diňe ýapyk jaýlaryň içinde we jemgyýetçilik ulaglarynda maska dakynmak talap edilýär. Muňa garamazdan, köpler henizem köçede maska dakynyp-dakynmajagyny anyk bilmeýärler we ätiýaçdan maskaly bolmagy kem görmeýärler. Talabyň resmi taýdan gowşadylmagyna garamazdan, köçede maskasyz adamlara jerime salynmagy muňa sebäp bolýar. Azatlyk Radiosynyň Aşgabatdaky, Lebapdaky we Marydaky... Читать дальше...

Lebap welaýatynyň Darganata etrabyndaky "Obahyzmat" edarasynda geçirilen derňewleriň netijesinde işgärleriň onlarça demir guralyny we tonnalarça dizel ýangyjyny ogurlandygynyň üsti açyldy. Bu barada etrabyň kanun goraýjy edaralarynyň birindäki çeşmämiz we oba hojalyk işgärleri Azatlyk Radiosynyň sebitdäki habarçysy bilen söhbetdeşlikde habar berdiler. "Geçen hepde etrap prokuraturasynyň işgärleri "Obahyzmat" edarasynda barlaglary geçirdiler. Munuň netijesinde, garaždaky onlarça demir guralyň we... Читать дальше...

Soňky aýlarda Türkmenistanda aýal-gyzlara garşy dodak çişirtmek, ýasama kirpik dakdyrmak, kosmetika ulanmak, dyrnak ösdürmek ýaly gadagançylyklar girizildi, hatda aýal-gyzlaryň ýeňil awtoulaglaryň öň tarapdaky oturgyjynda oturmaklaryna çenli häkimiýetler tarapyndan gözegçilik güýçlendirildi.

Türkmenistanyň orta mekdeplerinde okuwlar tamamlanyp, gutardyş synaglary dowam edýärkä, iýun aýynda ýurduň ýokary we orta hünär mekdeplerinde nobatdaky para almak möwsümi başlandy. Ýöne bilim ulgamyndaky çeşmeler we ene-atalar bu möwsümiň başlanmagy bilen bir wagtda, eýýäm tamamlanyp barýandygyny hem aýdýarlar. Bu ýagdaýlar barada Azatlyk Radiosynyň habarçylary maglumat berýärler.

Belarusyň sudy Azatlyk Radiosynyň Belarus gullugynyň ştatdan daşary habarçysy Andreý Kuzneçýugy ekstremist toparyny döretmekde günäli tapyp, alty ýyl türme tussaglygyna höküm etdi. Bu barada žurnalistiň ýakynlary gürrüň berdiler. Maglumata görä, Mahilýou regional sudunda ýapyk gapylaryň aňyrsynda geçirilen diňlenişik bary-ýogy birnäçe sagat dowam edipdir. 43 ýaşly žurnalist, şeýle-de sekiz ýaşly gyzyň we iki ýaşly oglanyň kakasy geçen ýylyň 26-njy noýabrynda huligançylyk aýyplamalary esasynda 10 gün tussaglyga höküm edilipdi. Читать дальше...

Türkmenistanyň demirýolçulary 5-nji iýunda Owganystanda Akina-Andhoý demirýolunyň gurluşygyny dowam etdirmek üçin Balh welaýatynyň Akgina şäherine geldiler. Bu barada Türkmenistanyň Daşary işler ministrligi mälim edip, munuň “Türkmendemirýollary” agentliginiň we Owganystanyň Demirýollar guramasynyň arasynda gol çekilen ylalaşyga laýyklykda amal edilýändigini belledi. Uzynlygy 30 km bolan gürrüňi gidýän demirýol ugrunyň gurluşygy 2019-njy ýylyň 25-nji iýulynda başlanypdy. Türkmen DIM-i pandemiýa... Читать дальше...

Türkmenistan 1-nji iýundan başlap daşary ýurt ýük ulaglarynyň ýurduň çäginden tranzit geçmegine ygtyýar berdi. Bu barada Özbegistanyň Transport ministrligi mälim etdi. Maglumata görä, ýük ulaglarynyň hereketi Özbegistan bilen serhetleşýän “Farap” barlag-gözegçilik nokadyndan başlap, Eýran bilen serhetleşýän “Sarahs” nokadyna çenli uzar. Mundan başga-da, ýük ulaglary bilen ýol polisiýasynyň hereket etjekdigi, şeýle-de ýoluň ugry boýunça ulaglaryň durmagyna we sürüjileriň ondan çykmagyna rugsat berilmejekdigi bellenilýär. Читать дальше...

Adam hukuklaryna gözegçilik edýän “Human Rights Watch” (HRW) guramasy toplanan delilleriň 1988-nji ýylda eýran resmileriniň müňlerçe syýasy tussagy öldürmeginiň adamzada garşy jenaýat bolandygyny görkezýändigini aýdýar. Hukuk toparynyň 8-nji iýunda çap eden hasabatynda Eýranda şol wagtky ýokary ruhany lider Aýatollah Ruhollah Homeýniň görkezmesi bilen hereket eden häkimiýetleriň, müňlerçe syýasy tussagy “suduň karary bolmazdan” öldürendigini, şol bir wagtda “häzire çenli munuň üçin hiç kimiň jogapkärçilige çekilmändigini” belledi. Читать дальше...