Özbegistanyň üstünden daşary ýurtlara gidýän türkmenistanlylar köpelýär. Ýolagçylar türkmen gümrük işgärleriniň işinden nägile bolýar
Türkmenistanda goňşy Özbegistana gidip, bu ýurtdan daşary döwletlere, hususan-da Russiýa gidýän raýatlar köpelýär. Bu usuly saýlap alýan raýatlar munuň sebäplerini Özbegistanda uçar biletleriniň bahalarynyň Türkmenistandakydan iki, käte üç esse arzandygy bilen düşündirýärler. Bu aralykda, türkmenistanlylar Farap gümrük nokadyndaky we Aşgabadyň aeroportundaky tejribelerine salgylanyp, türkmen gümrük işgärleriniň ýolagçylara "gödek çemeleşmeginden" nägile bolýarlar.