Eýranly pensionerler ýaşaýyş şertleriniň ýaramazlygyna garşy protest bildirýärler
Nyrhlaryň barha ýokarlanmagynyň arasynda, eýranly pensionerler pensiýa pullarynyň ýokarlandyrylmagyny talap edip, Eýranyň ondan gowrak şäherinde protest çäresini gurady.
Tähranda, Ahwazda, Maşatda, Yspyhanda, Arakda, Komda, Töwrizde we başga-da birnäçe şäherde guralan protestler wagtynda pensionerler ýaşaýyş şertleriniň ýaramazlygyndan nägilelik bildirip, hökümete garşy şygarlara gygyrdylar diýip, 9-njy aprelde habar berildi.
Ýaşaýyş derejesiniň peselmegi, aýlyklaryň gijikmegi we ätiýaçlandyryş goldawynyň bolmazlygy sebäpli, Eýranda guralýan zähmet protestleri barha gürelýäne meňzeýär.