Lebapda salgyt gullugy hususy telekeçileri, taksiçileri “güýçlendirilen tertipde” barlaýar
Lebabyň dolandyryş merkezi Türkmenabatda bu günler salgyt gullugynyň işgärleri esasy ýollaryň ugrundaky hususy eýeçilikdäki kärhanalarda, söwda dükanlarynda barlaglary geçirýärler. Şeýle-de şäheriň ýol polisiýasy taksçilik bilen meşgullanýan sürüjileriň degişli patentini we salgyt töleglerini barlaýar. Bularyň anyk sebäbi aýdylmaýar. Emma birnäçe günden bäri güýçlendirilen bu çäreler welaýata prezident Serdar Berdimuhamedowyň etmegine garaşylýan saparynyň çäginde görülýän giň taýýarlyklara gabat gelýär.