Türmede oturan gazak žurnalistiniň kakasy oglunyň yglan eden açlygyna goşuldy
Türmede oturan gazak žurnalisti Duman Muhammedkerimiň kakasy Almaz Tilepow oglunyň haýal etmän boşadylmagyny talap edip, onuň yglan eden açlygyna goşuldy. Tilepow açlyga 6-njy iýunda, Almaty etrap prokuraturasynyň öňünde başlady.
Muhammedkerim açlyga 28-nji maýda, gazaklary öz hukuklaryny goramaga çagyrýan wideosy sebäpli 25 gün tussag edileninden soň başlady.
Şondan iki gün öň ol, Almaty şäheriniň ýaşaýjylaryny hökümetiň hytaý raýatlaryny Gazagystana wizasyz goýbermek baradaky teklibine garşy proteste çagyrany üçin, şuňa meňzeş başga bir tussaglygyny tamamlapdy.