Türkmenistanlylaryň ýene 2312-si haj parzyny berjaý eder
Türkmenistanyň Müftüsiniň müdiriýeti şu ýylyň haj möwsüminde ýurduň 2312 sany raýatyny Saud Arabystany patyşalygyna ibermegi meýilleşdirýär diýip, TDH habar berdi.
Gurban baýramynyň bellenilýän günlerinde berjaý edilýän haj parzy bu ýyl iýun aýynyň 28-29-30-y günlerine gabat gelýär diýip, habarda aýdylýar.
Şeýle-de, bu ýyl haj zyýaratyna gitjek raýatlaryň ilkinji gezek Ministrler kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligi tarapyndan ýörite gatnaw arkaly Saud Arabystany patyşalygyna eltilip-getirilmeginiň üpjün edilendigi bellenýär.
Türkmenistanda haj parzyny amala aşyrjak raýatlaryň ýyllarboýy dürli emeli kynçylyklar bilen ýüzbe-ýüz bolýandygy habar berilýär.