Türkmenistanyň prezidenti täze kazylary wezipä belledi

Türkmenistanyň prezidenti Serdar Berdimuhamedow 12-nji iýunda kazyýetleriň kazylaryny wezipä bellemek we boşatmak baradaky kararlar toplumyna gol çekdi.

Bu karar türkmen telewideniýesiniň nobatdaky ‘teletobalary’, özüne garşy görkezme bermäge hem-de jemgyýetçiligiň öňünde ‘görelde’ bolmaga mejbur edilen raýatlary görkezen wagtynyň yz ýanyna gabat geldi.

Habarda kararlaryň Türkmenistanyň “Kazyýet hakyndaky” Kanunynyň 43-nji, 54-nji, 56-njy, 72-nji we 83-nji maddalaryna laýyklykda kabul edilendigi bellenýär.

Döwran Jumamyradowiç Hanowy Türkmenistanyň Ýokary kazyýetiniň kazysy wezipesine belläp, ony şol kazyýetiň prezidiumynyň düzümine girizmeli we Lebap welaýatynyň Çärjew etrap kazyýetiniň kazysy wezipesinden boşatmaly;

Şamyrat Hožamuradowiç Gummanowy Aşgabat şäheriniň Büzmeýin etrap kazyýetiniň başlygynyň orunbasary wezipesine belläp, ony Daşoguz welaýatynyň Daşoguz şäher kazyýetiniň administratiw we ýerine ýetiriş önümçiligi boýunça kazysy wezipesinden boşatmaly;

Bahargül Rahmetkulyýewna Kadyrowany Lebap welaýatynyň Çärjew etrap kazyýetiniň kazysy wezipesine bellemeli;

Laçyn Saparmuhammedowna Amanjaýewany Aşgabat şäheriniň Büzmeýin etrap kazyýetiniň administratiw we ýerine ýetiriş önümçiligi boýunça kazysy wezipesine bellemeli we oňa kazynyň 5-nji hünär derejesini bermeli;

Gülşirin Astanoglyýewna Ýazhanowany Mary welaýatynyň Mary şäher kazyýetiniň administratiw we ýerine ýetiriş önümçiligi boýunça kazysy wezipesine bellemeli we oňa kazynyň 5-nji hünär derejesini bermeli;

Amanmuhammet Amanberdiýewiç Işangulyýewi, ygtyýarlyk möhletiniň tamamlanandygy sebäpli, Aşgabat şäheriniň Büzmeýin etrap kazyýetiniň kazysy wezipesinden boşatmaly;

Şirin Kakajanowna Jumaýewany, ygtyýarlyk möhletiniň tamamlanandygy sebäpli, Aşgabat şäheriniň Büzmeýin etrap kazyýetiniň administratiw we ýerine ýetiriş önümçiligi boýunça kazysy wezipesinden boşatmaly;

Abdybaý Orazowy, ygtyýarlyk möhletiniň tamamlanandygy sebäpli, Lebap welaýatynyň Çärjew etrap kazyýetiniň başlygy wezipesinden boşatmaly;

Döwlet Orazgulyýewiç Alowowy, ygtyýarlyk möhletiniň tamamlanandygy sebäpli, Lebap welaýatynyň Çärjew etrap kazyýetiniň administratiw we ýerine ýetiriş önümçiligi boýunça kazysy wezipesinden boşatmaly;

Gurbandurdy Öräýewiç Annaýewi, ygtyýarlyk möhletiniň tamamlanandygy sebäpli, Mary welaýat kazyýetiniň başlygynyň orunbasary wezipesinden boşatmaly;

Güljan Jorakulyýewna Babanazarowany, ygtyýarlyk möhletiniň tamamlanandygy sebäpli, Mary welaýatynyň Mary şäher kazyýetiniň kazysy wezipesinden boşatmaly;

Geldimurad Ýoldaşowiç Rozyýewi, ygtyýarlyk möhletiniň tamamlanandygy sebäpli, Mary welaýat kazyýetiniň kazysy wezipesinden boşatmaly;

Jemşit Hesenowiç Hesenowy, ygtyýarlyk möhletiniň tamamlanandygy sebäpli, Mary welaýatynyň Baýramaly şäher kazyýetiniň administratiw we ýerine ýetiriş önümçiligi boýunça kazysy wezipesinden boşatmaly;

Öwezmyrat Sapargeldiýewiç Bäşimowy Ahal welaýat kazyýetiniň başlygy wezipesinden boşatmaly.

Türkmenistan sebitde ilat sanyna laýyklykda iň kän tussagly ýurtlaryň biri hasaplanýar we ol ýa-da beýleki jenaýatda aýyplanýan raýatlaryň açyk kazyýet seljermelerinde özlerini goramaga mümkinçiliginiň ýokdugy, olaryň çykarylan hökümlerden edýän şikaýatlarynyň köplenç diňlenmeýändigi habar berilýär.

Şol bir wagtda, Türkmenistanda soňky onýyllyklarda aklaýyş hökümleriniň çykarylmaýandygy, günä geçişe düşürilýän tussaglaryň eden ýa etmedik günäsini doly boýun alyp, ak ýürekden toba etmelidigi aýdylýar.

Mundan başga, diňe prezident tarapyndan wezipä bellenilýän we işden boşadylýan kazylar, şol sanda öz müşderileriniň bähbitlerini goramaly bolan aklawçylar hem şikaýat edilýän işler boýunça açyk düşündiriş bermeýärler.

Özüni hukuk döwleti atlandyrýan Türkmenistan halkara hukuk toparlary tarapyndan kazylaryň garaşsyzlygyny çäklendirmekde tankyt edilip gelinýär.