Ýerewan Azerbaýjan bilen serhetde bir esgeriň öldürilendigini aýdýar. Baku muny ret edýär
Ermenistanyň Goranmak ministrligi Azerbaýjan bilen dartgynly serhetde bir ermeni esgeriniň atylyp öldürilendigini aýdýar. Ýerewan muny ok atyşyklary bes etmek ylalaşygynyň bozulmagy hökmünde häsiýetlendirýär.
Ministrlik hadysanyň 4-nji dekabrda Bardzruni obasynyň golaýynda ýerli wagt bilen sagat 14:35 töwereginde ýüze çykandygyny belleýär.
Bardzruniniň häkimi Arsen Aleksaniýanyň Azatlygyň Ermeni gullugyna aýtmagyna görä, oklar serhetdäki Ermenistanyň pozisiýasyna tarap atylypdyr, şeýle-de onuň sesi obada eşidilipdir.
Azerbaýjanyň Goranmak ministrligi bu habary ret etdi we muny “Ermenistan tarapynyň öjükdiriji maglumaty” hökmünde häsiýetlendirdi.