Özbegistan indiki ýyldan ABŞ-nyň raýatlary üçin wizasyz düzgüni girizer
“UzA” habar agentliginiň maglumatyna görä, Özbegistan 2026-njy ýyldan başlap ABŞ-nyň raýatlary üçin wizany ýatyrar. Bu barada prezident Şawkat Mirziýoýew 3-nji noýabrda permana gol çekipdir.
Permana görä, 2026-njy ýylyň 1-nji ýanwaryndan başlap, ABŞ raýatlary üçin Özbegistana giren gününden başlap 30 güne çenli wizasyz syýahat düzgüni ýola goýular.
Permanda bu kararyň Özbegistan bilen ABŞ-nyň arasyndaky söwda, ykdysady, medeni, ynsanperwer we syýahatçylyk gatnaşyklaryny ösdürmek üçin amatly şertleri döretmäge gönükdirilendigi nygtalýar.
ABŞ-nyň raýatlary üçin wizasyz režimi girizmek meýilnamasy ýurda syýahatçylaryň akymyny artdyrmak barada şu ýylyň 15-nji maýynda prezidentiň gol çeken permanynda yglan edildi. Şonda Özbegistanyň diňe bir amerikanlylar üçin wizasyz syýahaty girizmek bilen çäklenmän, eýsem ABŞ-nyň hem wiza talaplaryny ýeňilleşdirmeginiň isleýändigi habar berlipdi.
2021-nji ýyldan bäri Özbegistanda ABŞ-nyň we başga-da birnäçe ýurduň ýaşy 55-den ýokary raýatlary üçin syýahatçylyk maksady bilen 30 güne çenli wizasyz režim ýöredilýär.