2014-2024 Qırım. Ukrayınanıñ tirenüvi (video)
2014-2024 Qırım. Ukrayınanıñ tirenüvi (video)
2014 senesiniñ mart ayı Qırımda Rusiyeniñ istilâsına qarşı mitinglerden başladı. Martnıñ 2-nde qırımlılar Aqmescitteki Şevçenko abidesine, martnıñ 3-nde Ukrayına Deñiz arbiy quvetleriniñ yalı mudafaa ştabına çıqtı. O künü, martnıñ 3-nde qadın ve balalar Aqmescitniñ Bavurçı qasabasında yol boyu turıp, Rusiye arbiyleriniñ çıqmasını talap etti. Mitingler er kün çeşit şeerlerde ötkerildi. Martnıñ 4-nde Yaltada, martnıñ 5-nde Bağçasarayda oldı. Ukrayına Arbiy deñiz quvetleriniñ yalı mudafaa ştabı yanında Ukrayınağa qoltutqan qırımlılar gece-kündüz turıp, zapt etilüvine yol bermey edi. Anğaradaki Ukrayına Arbiy deñiz quvetleri yalı mudafaasınıñ 36-ncı brigadasına, Bağçasaray ve diger arbiy şeerlerniñ arbiy bölüklerine aş ketire ediler. Martnıñ 8-nde Qırımda çeşit regionlarda eñ kütleviy aktsiyalar oldı: qırımlılar Rusiye arbiylerine qarşı yol boyu yazuvlı şiarlarnen turdı. Bu programmada Ukrayınağa qoltutuv aktsiyalarında iştirak etken on qırımlı qadınnıñ ikâyesi bar. Aqmescit ve Aqmescit rayonındaki aktsiyalar aqqında Yelena Melnikova, Oksana Novikova, Gayana Yüksel, Natalya Lütikova, Alena Popova, Galina Cikayeva, Gülnara Abdulayeva, Yaltada Larisa Kitayskaya, Bağçasarayda Ayşe Umerova, Keriçte Elmira Musayeva tarif etti. Yarımadada Rusiye istilâsınıñ ilk künleri dünyağa haber etmek ıntıluvları, duyğunlar, tirenüv ve ücüm ikâyeleri. On yıldan soñ olarğa yañıdan baqış.