Новости за 31.08.2020

(Казан, 31 август, «Татар-информ»). Түбән Камада капиталь ремонттан соң политехника көллияте бинасын ачтылар, уку йортына ресурс үзәге статусы бирелде. Ике ел дәвамында масштаблы эшләргә республика бюджетыннан 182 млн сумнан артык акча бүлеп бирелгән. Бу турыда Түбән Кама муниципаль районы рәсми сайты нда хәбәр ителә. Бу вакыт эчендә капиталь ремонт ясалган, лабораторияләр һәм остаханәләр җиһазландырылган. Хәзер ресурс үзәге составында ике махсуслаштырылган компетенцияләр үзәге, имтиханга әзерлек өчен өч мәйданчык эшли. Читать дальше...

(Казан, 31 август, «Татар-информ»). Менделеевск үзәк район хастаханәсендә гериатрия кабинеты ачылды. Ул «Демография» илкүләм проектының «Өлкән буын» программасы ярдәмендә мөмкин булды. Бу хакта «Менделеевск яңалыклары» газетасы яза. Анда  район башлыгы урынбасары Ләйсән Галиева һәм Үзәк район хастаханәсе баш табибы Оксана Бахматова катнашты. Алар медицина персоналын һәм өлкән яшьтәге кешеләрне бу вакыйга белән котлады. Махсус курслар узган белгеч Эльвира Низамова 65 яшьтән өлкән пациентларны кабул итәчәк. Читать дальше...

(Казан, 31 август, «Татар-информ», Полина Шевчук). Беренче сентябрьдән Татарстанда 2 меңгә якын хөкем ителгән кеше парта артына утырачак. Бу хакта «Татар-информ»га ТР буенча Россия Җәзаларны үтәтү федераль хезмәте идарәсе матбугат хезмәтендә хәбәр иттеләр. «Рәшәткә артындагы» студентлар белән 30 укытучы һәм 57 производство остасы шөгыльләнәчәк. Хөкем ителүчеләр һөнәри белем алу турында дипломнар ала һәм үз квалификацияләрен 47 белгечлек буенча арттыра алачак: электр-газ белән эретеп ябыштыручы, кран белән идарә итү белгече... Читать дальше...

(Казан, 31 август, «Татар-информ»). «Бердәм Россия» депутатлары эшсезлектән иминиятләштерү практикасын яңартырга тәкъдим итте. Әлеге механизм Covid-19 пандемиясе аркасында эш урыннарын югалткан хезмәткәрләргә ярдәм итәргә мөмкинлек бирер иде. Инициатива партиянең Татарстан активистлары тарафыннан да хупланды. Закон буенча хезмәткәрләрнең эштән азат ителүе эш бирүченең чыгымнары артуга китерә, шуңа күрә кайбер җитәкчеләр хезмәткәрләрне үз теләкләре белән эштән китәргә мәҗбүр итә. Дәүләт Думасында... Читать дальше...

(Казан, 31 август, «Татар-информ», Эвелина Киселева). Россиялеләрнең күпчелеге кальянны куркынычсыз дип саный, һәм бу ялгыш фикер. Дәүләт Думасы депутаты, медицина фәннәре докторы Борис Менделевич әнә шундый фикер белән уртаклашты. «Кешеләр тартуның зыянын аңлап бетерми. Шуңа күрә Россия Сәламәтлек саклау министрлыгының, агымдагы вазгыятьтән чыгып, тартуга каршы көрәш стратегиясен оператив рәвештә яңадан каравы мөһим. Шул исәптән гомумән тартуга басым ясарга кирәк», — дип аңлатты ул. Менделевич сүзләренчә... Читать дальше...

(Казан, 31 август, «Татар-информ»). Татарстан Дәүләт Советы депутатлары «Мәктәпкә җыенырга ярдәм ит» республика хәйрия акциясендә катнашты. Бу хакта республика парламентының матбугат хезмәте хәбәр итә. «Акциядә Дәүләт Советы депутатлары — «Бердәм Россия» фракциясе әгъзалары актив катнашты. Алар республика шәһәрләре һәм районнары буйлап сәфәрләр вакытында балаларга язу кирәк-яраклары, дәфтәр, хезмәт һәм рәсем сәнгате дәресләре өчен җыелмалар тутырылган букча тапшырдылар, диелгән хәбәрдә. Татарстан... Читать дальше...

(Казан, 31 август, «Татар-информ»). Юстиция министрлыгы Россиядә яңа ау кагыйдәләрен теркәде. Аны Россия Табигать ресурслары һәм экология министрлыгы әзерләгән. Бу хакта министрлыкның матбугат хезмәте хәбәр итә. «Яңа редакциядән хокук куллану практикасында үзенең тотрыксызлыгын күрсәткән бәхәсле нормалар һәм нигезләмәләр төшереп калдырылды. Алар —  караңгы вакытта вышкадан мәҗбүри файдаланып аучылыкны гамәлгә ашыру таләпләре, шулай ук аларның техник характеристикаларына таләпләр», диелә хәбәрдә.... Читать дальше...

(Казан, 31 август, «Татар-информ»). 2 сентябрьдә Татарстан янә «Великое кино Великой страны» бөтенроссия акциясенә кушылачак. Республикада яшәүчеләргә Михаил Шолохов әсәре буенча төшерелгән«Судьба человека»  (режиссер Сергей Бондарчук) һәм Сергей Майоровның «Простые главные слова. Судьба человека» фильмнары күрсәтеләчәк. Бу турыда оештыручылар хәбәр итә. Татарстанда берьюлы 36 мәйданда кино күрсәтеләчәк. Балалар һәм яшьләр игътибарын җәлеп итү өчен акция Татарстанда икенче тапкыр үткәрелә. ... Читать дальше...

(Казан, 31 август, «Татар-информ»). 6-21 сентябрьдә «Яшь профессионаллар» (WorldSkills Russia) VIII илкүләм чемпионатының финалы дистанцион форматта беренче тапкыр узачак. Бу турыда WorldSkills Russia матбугат хезмәте хәбәр итә. «Республика җыелма командасы 158 компетенция буенча ярышларда катнашачак. Бу финалда 206 катнашучы көч сынаша. Илкүләм чемпионат финалы кысаларында ярышлар 210 компетенция буенча уза. Илкүләм беренчелектә Россия Федерациясенең 85 субъектыннан 2800дән артык кеше чыгыш ясаячак... Читать дальше...

(Казан, 31 август, «Татар-информ»). 1 сентябрьдән 10 сентябрьгә кадәр Татарстан буенча урманнарда янгын чыгу куркынычы югары бәяләнә. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә. IV класслы янгын куркынычы булу сәбәпле, республика синоптиклары яңадан шторм кисәтүе игълан итте. Элегрәк Татарстан Урман хуҗалыгы министрлыгы урман массивында яисә аннан ерак түгел янгын шаһиты булган кешеләрне 8 (800) 100-94-00 һәм 8 (843) 221-37-95 телефоннары буенча мөрәҗәгать итәргә өндәде. Читать дальше...

(Казан, 31 август, «Татар-информ»). Бүген Чистай районына сәфәре кысаларында ТР Президенты Рөстәм Миңнеханов «Татнефть-Олимп» стадионы территориясендә паркны төзекләндерүнең барышы белән танышты. Бу турыда республика җитәкчесенең матбугат хезмәте хәбәр итә. Бүгенге көнгә төзекләндерү эшләренең беренче этабы тәмамланган. Хәзерге вакытта паркта өстәмә мәйданчыклар ясыйлар, павильон, сәхнә, эскәмия, ятак һәм чүп савытлары урнаштырылган, периметр буйлап асфальт боҗра юл ясалган. Биредә бетон скейт-мәйданчык һәм «канат юлы» булачак. Читать дальше...

(Казан, 31 август, «Татар-информ»). Фигуралы шуу буенча Олимпия чемпионы Алинә Заһитова татарстанлыларны Республика көне белән котлады. Ул видеомөрәҗәгать яздырган һәм аны Инстаграм социаль челтәрендәге битенә урнаштырган. «Кадерле Татарстан халкы, сезне Республика көне белән котлыйм. Зур спортка беренче адымнарымны нәкъ менә Татарстанда ясавым белән горурланам. Ярдәм итүегез өчен зур рәхмәт», — диде Алинә Заһитова. Фигуралы шуу остасы сүзләренчә, республикада спорт инфраструктурасы интенсив үсеш ала. Читать дальше...

(Казан, 31 август, «Татар-информ», Арсений Кәримов). Казан федераль университеты яңа уку елы башлануга тулысынча әзер. Барлык бүлмәләр дә кирәкле җиһазлар белән тәэмин ителгән, ә студентлар өчен укытуның катнаш формасы каралган. Бу хакта «Татар-информ» хәбәрчесе белән әңгәмәдә югары уку йорты ректоры Илшат Гафуров белдерде. «Университет әзер, укырга кабул ителү турындагы боерыкларны имзаладык. Без штатлы режимда эшлибез. Безнең аудиторияләрне өстәмә интерактив әйберләр белән тәэмин итәчәкбез», — диде Илшат Гафуров. Читать дальше...

Башкортстанда яңа уку елында укучылар мәктәпләрдә укый башлый. Ләкин пандемия сәбәпле аларда төрле чикләү чаралары кертелә.

(Казан, 31 август, «Татар-информ», Гөлнар Гарифуллина). Бүген ветеринария хезмәткәрләре һөнәри бәйрәмнәрен билгеләп үтә. «Ветеринария хезмәте эшчәнлекнең яңа юнәлешләрен үстерә», — дип белдерде котлау чыгышында Татарстан Республикасы Премьер-министры урынбасары — авыл хуҗалыгы һәм азык-төлек министры Марат Җәббаров. «Сезнең һөнәрегез, тирән белемегез һәм тәҗрибәгез агросәнәгать тармагында һәм тормышта алыштыргысыз һәм аеруча кирәкле, чөнки терлекчелек тармагын нәтиҗәле үстерү, кирәкле санитария контролен булдыру... Читать дальше...

(Казан, 31 август, «Татар-информ»). «Ак Барс» хоккей командасы капитаны Данис Зарипов яңа сезон алдыннан Татарстан Республикасы Президенты Рөстәм Миңнехановка клубның исемле фуфайкасын тапшырды. «Сез һәрвакыт безнең командада, җиңелүдә дә, җиңүдә дә — без һәрвакыт бергә», — диде Данис Зарипов. Форманың яка өлешенә «Мин яратам сине, Татарстан» дип язылган, ул ТАССРның 100 еллыгына багышланган. Татарстан Президенты бүләк өчен рәхмәт әйтте һәм хоккейчыларга алдагы сезонда уңышлар теләде. Татарстан Президенты... Читать дальше...

(Казан, 31 август, «Татар-информ»). Белем көнендә Казанда беренче күп телле «Адымнар — белем һәм татулыкка юл» мәгариф комплексы ачыла.Татарстан Президенты Рөстәм Миңнеханов һәм Дәүләт киңәшчесе Минтимер Шәймиев белем бирү оешмасын ачу тантанасында катнашыр дип көтелә. Бу хакта ТР Мәгариф һәм министрлыгының матбугат хезмәте хәбәр итә. Яңа уку йорты Казанның 165нче мәктәп базасында оештырылган. Билгеле булганча, анда укыту рус, татар һәм инглиз телләрендә алып барылачак. Мәгариф комплексына өч мәктәп керәчәк... Читать дальше...

(Казан, 31 август, «Татар-информ»). Татарстан Президенты Рөстәм Миңнеханов сезон башланыр алдыннан «Ак Барс» хоккей командасы уенчылары белән очрашты. Республика җитәкчесе аларга коронавирус инфекциясеннән саклану чараларын үтәргә киңәш итте. «Без читтән торып эшли алабыз, ә сез читтән торып уйный алмыйсыз», — дип шаяртты Рөстәм Миңнеханов. Татарстан Президенты клубка узган сезонда лаеклы чыгыш ясаулары өчен рәхмәт әйтте һәм «Ак Барс» өчен яңа сезон начар булмас дип өметләнүен белдерде. «Баш тренерга лаеклы эшләре өчен рәхмәт белдерәсем килә. Читать дальше...

(Казан, 31 август, «Татар-информ»). Россиянең 11 төбәгендә коронавируска популяцион иммунитет дәрәҗәсе 20 проценттан артып киткән, мәктәпкәчә яшьтәгеләр һәм 7-13 яшьлек балаларда күмәк иммунитет югарырак. Бу хакта РИА Новости агентлыгы Россия Кулланучы хокукларын яклау буенча күзәтчелек хезмәтенә (Роспотребнадзор) сылтама белән хәбәр итә. Беренче этап кысаларында июнь–август айларында Россия Федерациясенең 26 субъектында 71,8 меңнән артык кеше тикшерелгән. «Тикшерү нәтиҗәләре буенча 11 төбәктә... Читать дальше...

(Казан, 31 август, «Татар-информ»). Австралиядә яшәүче татар җырчысы Зуля Камалова 20 сентябрьдә онлайн-форматта концерт куячак. Бу турыда ул Инстаграмда үз аккаунтында хәбәр итте. «Тамашаны дөньяның төрле почмагыннан карарга мөмкин булачак. Концерт Мельбурнда 16.00, Казанда 9.00, Сан-Францискода 23.00 сәгатьтә башлана», — дип язган ул. Артистның чыгышын видеоязмада карарга мөмкин. «Әлбәттә, аннары интернеттан видеоязманы карап булачак, әмма тере концерт һәрвакыт яхшырак була. Бәясе биш Австралия доллары», — дип язган җырчы. Читать дальше...

(Казан, 31 август, «Татар-информ»). Татарстан Президенты Рөстәм Миңнеханов Татарстан Премьер-министры урынбасары — Татарстан Республикасының Россиядәге Тулы вәкаләтле вәкиле Равил Әхмәтшинга «Татарстан Республикасы буенча Эчке эшләр органнарының атказанган хезмәткәре» дигән мактаулы исем бирде. Бу турыда Вәкиллек матбугат хезмәте хәбәр итә. Бүләкләү тантанасы Казан Кремлендә узды. Анда шулай ук Россия Президентының Идел буе федераль округындагы Тулы вәкаләтле вәкиле Игорь Комаров катнашты. Равил Әхмәтшин ... Читать дальше...

Беларус президентыннан кала тагын 29 түрәгә карата чикләүләр кертелә.

Шуңа да мал табиблары саклык чараларын күрергә кирәклеген искәртә.Нурлат районында шәхси хуҗалыкларда 1500 дән артык дуңгыз асрала.

Нурлатский муниципальный район занял 1 место в республиканском конкурсе  «Лучшее территориально-отраслевое соглашение»  среди муниципальных районов численностью от 41 до 60 тысяч человек.

(Казан, 31 август, «Татар-информ»). Россиядә куркыныч төркемендәге кешеләргә коронавируска каршы күмәк вакцинация ноябрь–декабрь аенда башланачак. Бу турыда РИА Новости агентлыгы Россия сәламәтлек саклау министры Михаил Мурашкога сылтама белән хәбәр итте. Шул вакытта препарат төбәкләргә дә җибәреләчәк. Бу атнада теркәлүдән соң тикшеренүләр башлана. «Ирекле кешеләр җыела, 40 мең кеше. Бу плацебо белән идарә ителгән тикшеренүләр, бу безгә, шул исәптән күпчелек кешегә, барлык нюансларны һәм детальләрне күзәтергә мөмкинлек бирәчәк. Читать дальше...