Новости за 02.01.2026

Татарстан 2025 елда «Экологик иминлек» илкүләм проектын гамәлгә ашыру буенча Россиянең иң яхшы төбәкләренең берсе статусын саклап калды. Бу хакта ТР Экология министрлыгы матбугат хезмәте хәбәр итә.

Казанның «Рубин» футбол клубының элеккеге спорт директоры һәм Мәскәүнең «Спартак» футболчысы Мөхсин Мөхәмәдиев 60нчы яшендә вафат булган. Бу хакта аның хатыны Мөхирә Мөхәмәдиева хәбәр итте, дип яза ТАСС.

Татарстанның Сарман районында тәмәке тартканда сак булмау сәбәпле чыккан янгында 64 яшьлек ир‑ат һәлак булган. Янгын Җәлил шәһәр тибындагы бистәсендәге дүрт катлы йортның беренче катындагы ике бүлмәле фатирда чыккан. Бу хакта «Татар-информ»га Россия Гадәттән тыш хәлләр министрлыгының ТР буенча баш идарәсе матбугат хезмәтендә хәбәр иттеләр.

Татарстанда автоинспекторлар бәйрәмнәрдә исерек хәлдә машина йөртүчеләрне контрольдә тотуны көчәйтте. Ведомство матбугат хезмәте хәбәр иткәнчә, инспекторлар исерек килеш руль артына утырыручы машина йөртүчеләрне ачыклау өчен рейдлар үткәрә һәм автомобильләрне туктата.

2025 ел нәтиҗәләре буенча Татарстан Республикасында «Тормыш өчен инфраструктура» илкүләм проекты кысаларында коммуналь инфраструктураны модернизацияләүгә 11,7 млрд сум бүлеп бирелгән. Шулар арасында тарифларда исәпкә алынган инвестицияләр өлеше 979 млн сум тәшкил иткән. Бу хакта ТР Тарифлар дәүләт комитеты матбугат хезмәте хәбәр итә.

2026 елда Татарстанда яшәүче кайбер гражданнар пенсиягә чыга алачак. Кемнәр лаеклы ялга китә алачагы турында – «Татар-информ»материалында.

Җомга, 2 гыйнварда, Татарстанда аязучан болытлы һава торышы көтелә. ТР Гидрометеорология үзәге мәгълүматларына караганда, урыны белән бераз кар явачак.

Татарстанда янәдән «Пилотсыз очкыч һөҗүме куркынычы» режимы кертелде. Бу хакта Россия Гадәттән тыш хәлләр министрлыгының мобиль кушымтасында 2 гыйнварда Мәскәү вакыты буенча 1:14 сәгатьтә хәбәр иттеләр.

Юлларга сибү өчен 1,1 миллион тоннага якын бозлавыкка каршы материал әзерләнгән

Это отличники учебы, призеры и победители олимпиад, спортсмены и активисты.

Чүти урта мәктәбендә узган уку елы йомгаклары буенча иң яхшы нәтиҗәләр күрсәткән укучыларны бүләкләү тантанасы узды. Алар арасында уку алдынгылары, олимпиада җиңүчеләре һәм призерлары, спортчылар һәм активистлар бар, дип яза «Кайбицкие зори» газетасы.

Глава Чистопольского муниципального района Дмитрий Иванов вручил почётные награды представителям предприятий и учреждений района.

Чистай районы башлыгы Дмитрий Иванов алты коллективка махсус операциядә катнашучы хәрбиләргә ярдәм итүдә зур өлеш керткәннәре өчен район предприятиеләре һәм учреждениеләре вәкилләренә муниципалитет башлыгының Рәхмәт хатларын тапшырды. Бу хакта «Чистай-информ» сайты хәбәр итә.

Бөгелмәнең Я.Гашек исемендәге музеенда музей фондларында һәм шәһәрдә яшәүчеләрнең шәхси коллекцияләрендә саклана торган иске чыршы уенчыклары күргәзмәсе уза. Бу хакта «Бугульминская газета» яза.

Елена Кирилина одержала победу в конкурсе грантов «Наш новый воспитатель», представив инновационный проект популяризации правильного питания среди дошкольников.

Тәтеш шәһәренең «Колосок» балалар бакчасы педагогы Елена Кирилина яшь белгечләргә ярдәм күрсәтү максатыннан үткәрелә торган «Безнең яңа тәрбияче» грантлар конкурсында җиңү яулады. Ул мәктәпкәчә яшьтәге балалар арасында дөрес туклануны популярлаштыруның инновацион проектын тәкъдим итте. Бу хакта «Тетюшские зори» газетасы яза.