Новости за 06.02.2026

Эш сәфәре кысаларында Бөтендөнья татар конгрессы Милли Шура рәисе Васил Шәйхразыев Бурятия Республикасы башлыгы Алексей Цыденов белән рәсми очрашуда катнашты. Алар төбәкнең татар җәмәгатьчелеге проектларына ярдәм итү һәм мәдәни алмашу перспективалары турында фикер алыштылар. Бу хакта Бөтендөнья татар конгрессы матбугат хезмәте хәбәр итә.

Иске Татар бистәсе территориясендә Идел буе әкияти фольклоры темасына багышланган «Манзара» беренче эксперименталь фестиваль-конкурсы – урам театры һәм урам биюе фестивале узачак. Бу хакта чараны оештыручылар хәбәр итте.

Әлмәттә контракт буенча пилотсыз системалар гаскәрләренә хәрби хезмәткә җыю дәвам итә. Шәһәр һәм район халкын БПЛА операторлары вазифасына сайлап алу узарга чакыралар. Хезмәт бары тик үз хәрби бүлекчәңдә, дошман белән турыдан-туры бәйләнешсез узачак.

Ел башыннан Татарстанда 294 янгын булган - бу узган елның шушы чорына караганда 12,6 процентка күбрәк. 21 кеше һәлак булган, бу үткән ел белән чагыштырганда 13 кә күбрәк. Бу хакта «Татар‑информ»да узган матбугат конференциясендә Россия Гадәттән тыш хәлләр министрлыгының ТР буенча Баш идарәсе башлыгы урынбасары Максим Трущин хәбәр итте.

Мәскәүдә Россия Саклану министрлыгы генерал-лейтенанты Владимир Алексеевка һөҗүм иткәннәр. Ату җәрәхәте алган хәрби хастаханәгә озатылган, дип яза РИА Новости.

Татарстан Республикасы авыл хуҗалыгы һәм азык-төлек министрының яңа урынбасары билгеләнде. Әлеге вазифаны Марат Кәримов башкарачак. Ул агросәнәгать комплексын инженер-техник яктан тәэмин итү, техник яктан яңарту һәм хезмәтне саклау секторын җитәкләячәк, дип хәбәр итә ведомствоның матбугат хезмәте.

Төмән округында яшәүчеләрне һәм кунакларны төрки телле халыклар фестиваленә чакыралар. Бу хакта «Яңарыш» газетасы телеграм-каналы хәбәр итә.

2026 елның гыйнварында Казанда икенчел торакта иң арзан бәяләр Авиатөзелеш һәм Мәскәү районнарында теркәлгән. Бу хакта «Татар-информ»га «Яндекс»ның фатирлар буенча тематик эзләү экспертлары хәбәр итә. Анализ нейрочелтәр нигезендә үткәрелгән.

Ульяновск шәһәренең Юго-Запад микрорайонында урнашкан «Ләйли-Җамал» мәчетендә мөслимәләр белән очрашу узган. Бу хакта «Өмет» газетасы телеграм-каналы хәбәр итә.

Габдулла Тукай әдәби музеенда Россиянең атказанган, Татарстанның һәм Башкортстанның халык артисты, профессор Идрис Газиевның «Идрис Газиев тәкъдим итә» циклыннан беренче лекция узды. «Тукай чоры аһәңнәре» лекция-концерты XX гасыр башындагы татар музыкаль мәдәниятенә багышланган иде.

Пенсия түләү – өлкән буын кешеләренә дәүләт ярдәме чараларының берсе. Әмма аерым очракларда пенсионердан түләүнең бер өлешен кире алырга мөмкиннәр. Мондый очраклар кайчан була ала – «Татар-информ» материалында.

Казанда гаилә кыйммәтләренә, гореф-гадәтләргә багышланган «Эхо веков в истории семьи – Тарихта без эзлебез» фестивалендә катнашу өчен гариза бирү кампаниясе башлануы турында игълан иттеләр. Бәйгенең беренче этабы 9 февральдә уздырыла – фестивальдә катнашу өчен ким дигәндә ике буын вәкилләре булган гаиләләр чакырыла. Республикада сигезенче тапкыр уздырыла торган әлеге фестиваль династияләрне берләштерәчәк һәм гаилә тарихының әби-бабалар турындагы истәлекләрдән башлануын искәртәчәк.

Самараның «Бердәмлек» газетасында Эльмира Сәйфуллинаның «Самарада хәйрия фонды оештырылды» дигән язмасы чыкты. Бу хакта газетаның Вконтакте социаль челтәрендәге сәхифәсендә хәбәр ителә.

5 февральдә Габдулла Тукай әдәби музеенда «Идрис Газиев тәкъдим итә» циклыннан беренче лекция-концерт узды. Россиянең атказанган, Татарстанның һәм Башкортстанның халык артисты, профессор Идрис Газиев тамашачыларны «Тукай чоры аһәңнәре» белән таныштырды. Әлеге цикл бөек татар шагыйре Габдулла Тукайның 140 еллыгы уңаеннан оештырыла.

10 февраль көнне Татарстан башкаласында «Черек күл» паркындагы шугалакта «Игелекле шугалак» дип аталган хәйрия чарасы уздырыла. Кунаклар өчен фигуралы шуу осталары чыгышлары, фигуралы шуу буенча остаханәләр, шулай ук балалар һәм өлкәннәр өчен бәйгеләр оештырыла, дип хәбәр итә «Игелекле Казан» автоном коммерцияле булмаган оешмасы.

Татарстан башкаласында ун көн эчендә, 27 гыйнвардан 4 февральгә кадәр, 4176 ишегалдының күбесе дүрт-биш тапкыр кардан чистартылган. Бу хакта Казан мэриясенең матбугат хезмәте хәбәр итә.

«У вас должно быть нулевое доверие к тем, кто звонит с незнакомых номеров»

Әгәр дә сез, мошенниклар тозагына эләгеп, үз акчагызны аларга биргәнсез икән, нишләргә? Татарстан Эчке эшләр министрлыгы кемгә шалтыратырга һәм нәрсә эшләргә кирәклеге турында «Татар-информ»га сөйләде.

Бүген Татарстанда антициклон сәбәпле, температура фонының түбәнәюе көтелә. Бу хакта ТР Гидрометеорология үзәге хәбәр итә.

Әлмәт укучылары өчен чүп-чарны сортларга аеру турында ЭКОдәресләр үткәрелде. Бу хакта «Әлмәт таңнары» яза.

Бүген Сәрдекбаш авылы мәдәният йортында җирлекнең 2025 елда эшләнгән эшләре буенча хисап җыелышы үтте.

Россия Герое Рәсим Баксиков мәшгульлек үзәге эшчәнлеге белән танышты. Бу хакта «Актаныш» сайты яза.

Сарман районы үзенең язучылары, шагыйрьләре белән дан тота. Шуларның берсе – чыгышы белән Иске Минзәләбаш авылыннан булган фантаст-язучы, татар телендә фәнни-фантастик әдәбиятка нигез салучыларның берсе Адлер Камил улы Тимергалин, дип яза «Сарман».