Композитор Сергей Слонимский вафат
(Казан, 9 февраль, «Татар-информ»). Россиянең халык артисты, композитор Сергей Слонимский Санкт-Петербургта 88нче яшендә вафат булды. Бу хакта ТАСС Санкт-Петербург Филармония җәмгыяте президенты Борис Березовский сүзләренә сылтама белән хәбәр итә.
«Композитор Сергей Слонимский вафат булды», — диде ул.
- Слонимский Санкт-Петербург консерваториясе профессоры, Россия Федерациясе М.И. Глинка исемендәге Дәүләт премиясе лауреаты, Санкт-Петербург хөкүмәте премиясе, Россия мәгариф академиясе академигы, Польша Республикасының «Хезмәтләре өчен» орденының Командорский тәресе кавалеры булган.
«Сергей Михайловичны барысы да беләләр һәм яраталар, ул Петербургның мактаулы гражданины иде. Консерватория белән бәйле бернинди мөһим мәсьәләләр дә аның фикерен исәпкә алмыйча беркайчан да хәл ителмәде. Әлегә югалтуның бөтен авырлыгын аңлау кыен, әмма без аңлыйбыз, ул калдырган мирас һәрвакытта да безнең белән калачак һәм безнең буын аның музыкасына һәрвакыт югары осталык үрнәкләре буларак мөрәҗәгать итәчәк», — диде ТАССка Санкт-Петербург дәүләт консерваториясе ректоры Алексей Васильев.
- Слонимский «Республика ШКИД» һәм «Интервенция» фильмнары, «Виринея», «Мастер һәм Маргарита», «Король Лир» операларына, «Икар» балетына һәм башкалар музыка авторы.