Пермь крае татар милли-мәдәни мохтарияте 30 еллык юбилеен билгеләп узды
(Казан, 14 март, «Татар-информ»). 12 мартта Пермь шәһәрендә Пермь крае татар милли-мәдәни мохтариятенең 30 еллык юбилеена багышланган чара узды. Котлау сүзләре белән Губернатор аппараты җитәкчесе һәм Пермь крае эчке эшләр сәясәте департаменты башлыгы чыгыш ясады. Бу турыда Бөтендөнья татар конгрессы сайтында хәбәр ителә.
Чарада Бөтендөнья татар конгрессы Башкарма комитеты җитәкчесе урынбасары Илгиз Халиков катнашты һәм мохтариятнең актив әгъзаларын Бөтендөнья татар конгрессы медале һәм Рәхмәт хатлары белән бүләкләде.