Россия мөселманнары Диния нәзарәте Швециядә Коръән яндыручыларны җәзага тартырга чакыра
Стокгольмда Төркия илчелеге алдында изге Коръәнне яндыруга карата Швеция хакимияте реакция белдерергә, бу акциядә катнашучыларның барысы да җавапка тартылырга тиеш. Россия мөселманнары Диния нәзарәте рәисе урынбасары Рушан Аббясов шул турыда белдерде.
«Чираттагы тапкыр динне мыскыл итү гамәленә Россия мөселманнары нык ачулы, ул Швециядә булды. Изге язмаларны яндыру – сатанизмнан башка нәрсә була алмый, ул зур тизлек белән рухи нигезләрен югалтып бара торган Европада ешрак күренә. … Швеция хакимиятен исламофобиянең бу актына катгый реакция бирергә һәм анда катнашучыларны җавапка тартырга чакырабыз», – диде ул ТАСС белән әңгәмәдә.
Мөфти ассызыклаганча, үз карашыңны цивилизацияле рәвештә белдерергә кирәк, бөтен дөньядагы башка дин вәкилләренең хисләренә тия торган гамәлләр кылырга кирәкми.
Искәртеп узабыз, әлеге хәл Төркиянең Стокгольмдагы илчелеге янында булды. Анда Расмус Палуданның «Кырыс курс» уңэкстремистлар партиясе акциясе барган. Исламны тыюны һәм «көнбатышлы булмаган затларны» депортацияләүне таләп итеп, НАТОны, Төркияне һәм аның Президенты Рәҗип Тайип Эрдоганны тәнкыйтьләп, акциядә катнашучылар Коръән яндырды һәм Мөхәммәд пәйгамбәргә карикатура күрсәтте.
Акцияне Россия мөселманнары Диния нәзарәтеннән тыш, Төркия Тышкы эшләр министрлыгы һәм Кувейт Тышкы эшләр министрлыгы да гаепләп чыкты.