Екатеринбургта кабаттан татар теле дәресләре башланды
![Екатеринбургта кабаттан татар теле дәресләре башланды](https://tatarstan.ru/file/news/1961_n2278480_big.jpg)
11 февральдә Каюм Насыйри институтның фәнни-белем бирү үзәгендә татар теле дәресләре башланды. Татарстанның Свердловскидагы Даими вәкиле Хәйдәр Гыйльфанов укучыларны сәламләде һәм татар теленә кызыксыну белдерүләре өчен рәхмәт әйтте. Бу хакта Татарстанның Свердловскидагы Даими вәкиллеге матбугат хезмәте хәбәр итә.
Татар теле укытучысы Алинә Дамировна татар мәгърифәтчесе Каюм Насыйрига багышланган кызыклы һәм танып белү дәресе үткәрде. Курсларда укучылар аның эшчәнлеге белән танышты. Шулай ук «Шифалы үләннәр» категориясеннән сүзләр белән сүзлекләрен тулыландырдылар.
«Барыгызны да һәр якшәмбе, 10.00 сәгатьтә татар теле дәресләренә (Сакко һәм Ванцети ур., 24 йорт) чакырабыз», диелә хәбәрдә.