Казанда халыкара «Җәлил укулары» әдәби бәйгесе җиңүчеләрен бүләкләделәр
Бүген, 15 февральдә, Казанның «Сәйдәш» мәдәният үзәгендә милли каһарманыбыз, герой-шагыйрь Муса Җәлилнең 118 еллыгына багышланган концерт узды. Бәйрәмдә VI Халыкара «Җәлил укулары» әдәби бәйгесенә нәтиҗәләр ясалды, җиңүчеләр бүләкләнде. Әлеге чара ел саен Бөтендөнья татар конгрессы, Татарстан Республикасы Мәдәният министрлыгы, Татарстан Республикасы Мәгариф һәм фән министрлыгы белән берлектә оештырыла.
Быел бәйгегә Россиянең 26 төбәгеннән, Татарстан Республикасының һәр районыннан һәм чит илләрдән (Азәрбәйҗан, Болгария, Казахстан, Үзбәкстан, Төркия) 40 меңнән артык гариза кабул ителгән. Оештыручылар әйтүенчә, икенче этап нәтиҗәләре буенча финалга 777 катнашучы узган. Жюри карары нигезендә барлыгы 102 җиңүче билгеләнгән.
Бәйге 8 номинациядә эшләр кабул иткән. Быел «Муса Җәлил шигырьләренә җыр» дигән яңа номинация дә булдырылган. Шигырьләр 23 телдә яңгыраган. Шул исәптән, быел беренче тапкыр езид һәм лезгин телләрендә эшләр каралган. Быелгы бәйгенең иң яшь катнашучысы Минзәлә шәһәреннән Тимур Садриевка нибары 2 яшь, ә иң өлкән катнашучы Нижневартовск шәһәреннән Химия Шакирҗановага – 90 яшь.
Бөтендөнья татар конгрессы башкарма комитеты җитәкчесе Данис Шакиров җиңүчеләрне Милли шура рәисе Васил Шәйхразыев исеменнән сәламләде.
«Бәйге быел алтынчы тапкыр уздырыла. Елдан ел аның географиясенең чикләре киңәя. Бөек шагыйребезнең шигырьләре 60лап телгә тәрҗемә ителгән. «Җәлил укулары» бәйгесе сәхнәсендә шулар арасыннан 23 телдә әсәрләр яңгырады. Жюри тарафыннан җиңүчеләр билгеләнгән вакытта Җәлилнең шигырьләрен татар телендә генә түгел, башка телләрдә дә җиткерү мәсьәләсе аерым каралды. Номинацияләр дә елдан-ел арта килә. Быел сигезенче номинация булдырылды – «Муса Җәлил шигырьләренә җырлар». «Җәлил укулары» – ул үзенең тулы бер хәрәкәт икәнлеген раслаган проект», – диде ул.
«Муса Җәлил – халкыбызның бөек улы, чын батырлык һәм каһарманлык символы. Аның исемен мәңгеләштерү – безнең бурычыбыз. Күпме урам, күпме уку йорты аның исеме белән аталды. Татарстаннан читтә дә Муса Җәлилнең исемен мәңгеләштерү буенча бик күп эш башкарабыз. Аның исемендәге мәктәпләр, урамнар бар, бюстлары ачылды. Узган ел Казахстанның Җидепулат, Сәмәй шәһәрендә татар бакчасына Җәлил исемен биреп, каршындагы мәйданда бюст ачылды, Якутиядә дә Муса Җәлил бюсты булдырылды. Бу башкарылган эшләрнең бер өлеше генә. Алга таба да әле дистәләгән проект планлаштырыла. Бу эшләр дәвамлы булачак», - диде Данис Шакиров.
Кәрим Тинчурин исемендәге Татар дәүләт драма һәм комедия театры артисты, Татарстанның халык артисты Зөлфия Вәлиева җиңүчеләргә ихлас соклануын белдереп, котлау сүзләре әйтте.
«Һәр халыкның үзенең милли каһарманы бар. Бездә ул – Муса Җәлил. Гомеренең соңгы көннәренә кадәр татарның бөек улы дошман белән көрәшә. Һәм аның бердәнбер коралы – шигъри сүз. Аның ике дәфтәр шигыре бөтен дөнья булып тарала һәм киләчәктә «Моабит дәфтәрләре» дип исемләнә. Алар 48 телгә тәрҗемә ителә. Без, жюри әгъзалары, быел эшләрне төрле телләрдә тыңладык. Хәтта вьетнам, лезгин телләрендә дә ишеттек Җәлилнең шигырьләрен. Җиңүчеләребезгә соклануымны белдерәм. Шигъриятне яратуыгыз өчен, Муса Җәлилнең иҗатын олылавыгыз өчен зур рәхмәт сезгә! «Җәлил укулары» – шигырь уку бәйгесе генә түгел. «Җәлил укулары» – ул зур, изге һәм кирәкле эшләр башкаручы проект», – диде ул.
Җиңүчеләрне язучы, «Казан утлары» журналының баш мөхәррире, Муса Җәлил исемендәге премия лауреаты Рөстәм Галиуллин да котлады.
«Муса Җәлил исеме һәр татар өчен кадерле. Без бүген дә аның иҗаты белән рухланабыз. Ана телебез, милләтебез өчен иң кыен чакларда, яклау эзләп, аңа мөрәҗәгать итәбез, аңа сыенабыз. Муса Җәлил бүген дә үз халкына хезмәт итә бирә. Ә «Җәлил укулары» бәйгесенә килгәндә, бу проект Муса Җәлил исемен мәңгеләштерү белән генә түгел, ана телебезгә мәхәббәт уяту, яшь буынны тәрбияләү, дөнья буйлап сибелеп яшәгән милләттәшләребезне берләштерү белән шөгыльләнә. Зур һәм кирәкле эш башкара. Бүген сәхнәдән Муса Җәлил шигырьләрен ишеттергән һәр катнашучыга рәхмәт әйтәсем килә. Җиңүчеләрне тәбриклим! «Җәлил укулары»ннан алган иҗади рух күңелләрегездә мәңге дөрләсен!» - диде Рөстәм Галиуллин.
Җиңүчеләр исемлеге:
I урын:
Габбазова Гөлия - Биектау
Егорова Таисия - Казан
Ганутдинова Назлыгөл - Теләче
Фарисов Фәрит - Мәскәү
Идрисова Регина - Азнакай
Тляшев Арсен - Пермь
Хабибуллина Сөмбел - Лениногорск
Марданов Раил, Марданов Раян, Марданова Раида - Балтач
Сиразиева Азиля, Камаев Камил, Сираев Ильяс, Шакирова Залина, Сираева Диля, Ахметшина Алсу - Яр Чаллы
Миннемуллин Ленар - Минзәлә
Шакирова Нурия - Казан
Кәримова Азалия - Түбән Кама
Умергалина Эльза - Башкортстан
Габделкабирова Алина - Алексеевск
Есенеев Аяз - Казан
Закиров Эмиль - Балтач
Галимуллина Энҗе - Балтач
Халиуллин Ислам - Арча
Фәнис Зыялы - Төркия
Никитин Лев - Казан
Таиров Юныс - Казан
Самерханова Эльвина - Минзәлә
Йосыпова Алисә - Арча
Антипова Земфира - Лаеш
II урын:
Үзбәкова Зәйтүнә - Оренбург
Сибагатуллина Җәмилә - Балтач
Гәрәева Зифа - Казан
Сәетшина Алия - Азнакай
Юнысова Камилә - Аксубай
Кәримова Айсылу - Балтач
Хәйдәров Ислам - Казан
Бабаева Адель - Буа
Солтанов Айдар - Казан
Насыйбуллина Ауфа – Башкорстан
Потапова Валентина, Смышляева Ева, Абдулкәримова Азалина, Гарифуллина Ассель, Вахитов Тимур, Павлов Леонид - Казан
Мөхәмәтҗанов Кәрим, Гарипова Азалия - Казан
Г.Тукай исемендәге үзәк китапханә хезмәткәрләре коллективы - Түбән Кама
Ибатуллина Әминә - Буа
Сахапов Тимур - Яр Чаллы
Гайнетдинова Алина - Кайбыч
Галиуллина Диләрә - Баулы
Сибагатуллина Дилә - Балтач
Закирова Динә - Казан
Хәбибрахманова Нәргизә - Балтач
Иванов Искәндәр - Минзәлә
Әскәрова Зилия - Балтач
Әхмәтҗанова Зөлфинә - Казан
Гайсин Рафит - Башкортстан
Мортазина Асия - Башкортстан
Гусейнова Рена - Азәрбайҗан
Янгубаев Марк - Казан
Казанцев Роман - Свердлау
Худиев Октай - Азәрбайҗан
Попов Артем - Пермь
Сәләхиев Ралиф - Түбән Кама
Левшина Анна - Алексеевск
III урын:
Унверен Эльвина - Түбән Кама
Безруков Дамир - Әстерахан
Маликова Полина - Нурлат
Садыйкова Зилә - Апас
Г.Тукай исемендәге Барда гимназиясе укучылары - Пермь
Жукова Ираида - Балтач
Сөнгатуллина Гөлия - Мамадыш
Якупова Сиринә - Казан
Казанцева Юлия - Казан
Гилманов Сәит - Казан
Николаев Егор - Чистай
Идрисов Самат, Шәйдуллина Айлинә - Казан
Маннанов Нияз, Закирова Диләрә - Казан
Газизова Иделина, Гайфуллина Азалия, Шәрипова Нәфисә - Казан
Хәйруллин Динар, Насыйрова Гөлнур, Яруллина Лилия, Ильясов Ирек – Казан
Дәүләтшина Майя - Казан
Ловчикова Елизавета - Чиләбе
Паймина Анжелика - Чувашия
Молькова Мария - Казан
Хабах Артём - Казан
Тукаев Йосыф - Казан
Закиров Инзил - Балтач
Гыйләҗева Азалина - Яр Чаллы
Бирюков Тимур - Чиләбе
Халикова Мәрьям - Биектау
Шакирова Ралина - Арча
Ситдикова Диләрә - Арча
Шамсетдинов Азамат - Яшел Үзән
Каримов Сәид - Теләче
Загеев Булат – Арча
Фаттахова Илзирә - Теләче
Гирфанова Газиза - Кайбыч
Сахапова Нәзирә - Башкортстан
Саматова Әмилә - Казан
Новикова Милана - Түбән Кама
Габдрахманова Амалия - Лениногорск
Кузьмин Александр - Казан
Цилуйко Варвара - Чиләбе
Игнатьев Савелий - Башкортстан
Тихонова Мария – Ульяновск
Старшинов Михаил - Казан
Гилимшина Эльмира - Свердловск
Саттаров Илнур - Башкортстан
Мингазова Кадрия - Санкт-Петербург
Шәрәфисламова Зөлфирә - Свердловск
Шаманаев Всеволод - Башкортстан
Зәкиева Азалия - Казан