Казанга Зимбабве вице-президенты килде
Казанга эш визиты белән Зимбабве вице-президенты Константино Чивенга килде. Аэропортта кунакны «ТР Муниципаль берәмлекләр Советы» Ассоциациясе рәисе Әгъзам Гобәйдуллин һәм ТР сәнәгать һәм сәүдә министрлыгы башлыгы Олег Коробченко каршы алды, дип хәбәр итә ассоциациянең матбугат хезмәте.
Чивенга иртәгә булачак «Киләчәк уеннары»н ачу тантанасында, шулай ук республика Рәисе Рөстәм Миңнеханов белән очрашуда катнашачак. Моннан тыш, ул Татарстанның берничә сәнәгать һәм авыл хуҗалыгы объектларында булыр дип көтелә.