Путин: Паралимпиячеләр үз үрнәкләре белән башкаларга үз-үзләренә ышанырга ярдәм итәләр
Президент Владимир Путин паралимпиячеләрнең «Без бергә. Спорт» кышкы уеннары» Халыкара комплекслы спорт ярышларында катнашучыларны һәм кунакларны сәламләде. Телеграмма Кремль сайтында урнаштырылган.
Дәүләт башлыгы ярышларның традицион уеннарга әйләнүен һәм быел Югра инде өченче тапкыр Россия Федерациясенең күп кенә төбәкләреннән һәм чит илләрдән катнашучыларны җылы кабул итүен һәм көчле көндәшләр белән очрашу, үз осталыгыңны, команда бердәмлеген һәм Җиңү рухын күрсәтү өчен искиткеч мөмкинлек бирүен билгеләп үтте.
«Ассызыклыйм, без сезнең белән, паралимпия спортчылары белән чын күңелдән горурланабыз. Сез чыннан да искиткеч шәхси нәтиҗәләргә ирешү белән генә чикләнмисез — үз үрнәгегез белән башкаларга илһам бирәсез», - диде Путин.
Ул катнашучыларга һәм кунакларга уңышлар теләде.