Әхмәтшин якташын – Әлмәт районында туган Анна Панкратованы 103 яшьлеге белән котлады
ТР Премьер-министры урынбасары – Татарстанның Россиядәге Тулы вәкаләтле вәкиле Равил Әхмәтшин якташы Анна Панкратованы туган көне белән котлады. Тулы вәкаләтле вәкиллекнең матбугат хезмәтендә хәбәр итүләренчә, аңа 103 яшь тулган.
Аннан Панкратова 1921 елның 16 апрелендә ТАССРның Әлмәт районы Каськи авылында туган, Бөек Ватан сугышында катнашкан, һава һөҗүменнән саклану гаскәрләрендә хезмәт иткән. Прагага җиткәч, контузия алган, шуңа күрә җиңүне госпитальдә каршылаган.
Панкратова Мәскәүдә гомер буе «Москвич» автозаводында эшли. Ике бала тәрбияләп үстерә, бүген өч оныгы һәм биш оныкчыгы бар.
Хәзерге вакытта 103 яшьлек әби кызы һәм оныгы белән яши.