Татарстанның Финляндиядәге сәүдә-икътисади вәкиле вазифасы бетерелде
Татарстанда республиканың Финляндиядәге сәүдә-икътисади вәкилен билгеләү турындагы карар үз көчен югалтты дип танылды. Документны республика Премьер-министры вазифаларын башкаручы Рөстәм Нигъмәтуллин имзалады.
ТРның Финляндиядәге сәүдә-икътисади вәкиле вазифасын раслаучы документ 2000 елдан бирле гамәлдә булды. Вәкиллекнең рәсми сайтында күрсәтелгәнчә, аны Альбина Рәхимуллина җитәкләде.