Татарстанда пәнҗешәмбе көнне +8 градуска кадәр җылыта
Пәнҗешәмбе көнне, 13 мартта, Татарстанда яңгыр явуы көтелә. Шулай ук иртән республикада томан була, дип аңлашыла ТР Гидрометеорология үзәге фаразыннан.
Бүген Татарстанда җил юнәлешен көньяк, көньяк-көнчыгыштан көнбатышка үзгәртәчәк. Аның тизлеге секундына 6-11 метр тәшкил итәчәк, ләкин көндез ул урыны-урыны белән 14 метрга кадәр көчәячәк.
Көндез республикада температура +3...+8 градус булачак.
Шулай ук юлларда урыны белән бозлавык саклана, дип кисәттеләр синоптиклар.