Икътисадчы Разуваев долларның җәй азагына 100 сумга кадәр кыйммәтләнүен фаразлады
Доллар бәясе җәй азагына кадәр 100 сумга җитәчәк. «Татар-информ»га мондый фаразны Финанс аналитиклары һәм риск-менеджерлар гильдиясенең күзәтчелек советы әгъзасы Александр Разуваев бирде.
«Доллар бәясе якын арада 100 сумга җитәргә тиеш», — дип билгеләде Разуваев. Икътисадчы фикеренчә, бу җәй азагына кадәр булырга тиеш.
Рубль көчсезләнү һәм нефть арзанаю шартларында төп ставка кимү дә мөһим роль уйнарга мөмкин. Хәзер күп кенә экспертлар ставкаларның 18 һәм 16 процентка кадәр кимүен фаразлый.
«Күпләр төп ставка ел азагына 16 процент булачак, дип саный. Мин 15 процент булачак, дип саныйм», - дип фаразлый Разуваев.