Актанышта «Милләтләр кроссы - 2025» була
20 сентябрьдә Актанышта «Милләтләр кроссы» Бөтенроссия йөгерү көне һәм «Татарстан кроссы»на багышланган традицион җиңел атлетика кроссы узачак. Бу хакта «Актаныш» сайтында Ләйсән Газизова яза.
Катнашучылар парады 9:00 сәгатьтә Актаныш районы хакимияте бинасы каршында башлана. Йөгерешкә старт 9:30 сәгатьтә бирелә.
Кросс районда массакүләм спорт чараларын пропагандалауда, иң көчле спортчылар һәм командаларны, гаиләләрне ачыкларга ярдәм итәчәк, шулай ук халыкны физкультура һәм спорт белән активрак шөгыльләнергә этәргеч ясар дигән ышанычта калабыз, диелгән хәбәрдә.