Россия Финанс министрлыгы күп балалы гаиләләр өчен ставканы киметергә уйлый
Россия Финанс министрлыгы «Гаилә ипотекасы» буенча ставканы гаиләдәге балалар санына карап киметү мөмкинлеген карый. Бу хакта Мәскәү финанс форумында министр урынбасары Иван Чебесков хәбәр итте. ТАСС шул хакта яза.
Министр урынбасары сүзләренчә, ведомство демографик үсешне стимуллаштыруга юнәлдерелгән программалар булдыру кирәклеген аңлый. Төп тәкъдимнәр арасында гаиләдә балалар күбрәк булган саен азрак ставка кертү тәкъдиме дә бар. Бу илдә демографик вазгыятьне стимуллаштырыр дип көтелә.