Россия халкы яңа ел бәйрәмнәрендә – 12, ә май бәйрәмнәрендә 6 көн ял итәчәк
Россия Хөкүмәте Рәисе Михаил Мишустин 2026 елда ял көннәрен күчерү турында карарны раслады.
3 һәм 4 гыйнвар шимбә-якшәмбегә туры килә, шуңа күрә бу көннәр 9 гыйнварга – җомга көненә һәм 31 декабрьгә – пәнҗешәмбегә күчерелә.
Хезмәт кодексы нормаларын исәпкә алып, 2026 елда Россия халкын озакка сузылган яңа ел каникуллары көтә – алар 2025 елның 31 декабреннән 2026 елның 11 гыйнварына тикле дәвам итәчәк. Моннан тыш, ялларның өстәмә чоры да расланган: 21 – 23 февраль, 7 – 9 март, 1 – 3 май һәм 9 – 11 май, шулай ук 12 – 14 июнь.
Шулай ук 4 ноябрь һәм 31 декабрь дә өстәмә ял көне була.