Дәүләт Думасы депутаты Мамадыш районында хәрбиләрнең гаиләләрендә булды
Дәүләт Думасы депутаты Анатолий Иванов Мамадыш районында һәлак булган хәрби операциядә катнашучыларның гаиләләрендә булды, балаларга бүләкләр һәм матди ярдәм алып кайтты. Бу хакта «Бердәм Россия» сайтында хәбәр ителә.
Гаиләләрнең берсе – Хәмидуллиннар. Геройның тол хатыны Гөлсинә Хәмидуллина 2024 елның мартында ире Линарны фронтка озатканын сөйләде. Ире еш кына фотосурәтләр җибәргән һәм хезмәттәге көннәре турында сөйләгән, гаиләсен борчымаска тырышкан.
«Октябрьдә Линар ялга кайткач, балалар чиксез бәхетле иде һәм бөтен буш вакытларын аның белән үткәрделәр. Ул үз хезмәтен батырларча башкарды һәм кыска вакыт эчендә ефрейтор исемен алды... ләкин 2025 елның апрелендә Линар дошман снарядыннан һәлак булды. Аңа 42 яшь иде...» - дип уртаклашты Анатолий Иванов.
Парламентарий гаиләне яңа ел бәйрәмнәре белән котлады һәм бүләкләр бирде.
Шулай ук депутат Котдусовлар гаиләсенә дә барды. «Бу күп балалы гаиләнең башлыгы Рөстәм Мунипович, махсус хәрби операциядә катнашып, үзенең хәрби бурычын намус белән үтәде. Аның батырлыгы безнең хәтердә мәңгегә калачак», - дип хәбәр итте ул.
Хәзер һәлак булган хәрби хезмәткәрнең хатыны Ләйлә Котдусова өч улын ялгызы гына тәрбияли.