Автоэксперт суыкта машина аккумуляторына йөкләнешне ничек киметергә икәнен әйтте
Озак вакыт суыкта торган автомобильне эшләтеп җибәргәндә, кабызу ачкычын борыр алдыннан башка электр приборларын, мәсәлән, фараларны кабызырга мөмкин. Бу ток куәтен бүләчәк һәм аккумуляторга двигательне кабызырга ярдәм итәчәк. Бу хакта «Татар-информ» га автоэксперт, РФ Хөкүмәте каршындагы юл хәрәкәте иминлеге комиссиясе әгъзасы Дмитрий Попов хәбәр итте.
«Электролит суыкта начар эшли башлый. Шуңа күрә салкында торган машинаны кабызыр алдыннан башта башка энергия кулланучыларны, мәсәлән, фараларны эшләтеп җибәрергә мөмкин. Алар стартер белән чагыштырганда азрак энергия куллана һәм электролитны бераз куып таратырга мөмкинлек бирә. Ләкин әгәр икенче яки өченче әйләнүдән машина кабынмаса, ул вакытта очкынның кайда китүен эзләргә кирәк», - дип аңлатты агентлык әңгәмәдәше.
Моннан тыш, мондый вәзгыятьтә автоном зарядка яки электосетькә тоташтыру ярдәм итә ала. Бу зур заряд бирмәячәк, әмма аккумуляторга тонус бирәчәк, дип өстәде ул.