Татарстанда 11 айда 375 млрд сумлык авыл хуҗалыгы продукциясе җитештерелгән
Татарстанда 2025 елның беренче 11 аенда 375 млрд сумлык авыл хуҗалыгы продукциясе җитештерелгән, бу 2024 елның гыйнвар-ноябрь айлары белән чагыштырганда 7,2 процентка күбрәк. Шул хактагы мәгълүматларны Татарстанстат республиканың социаль-икътисади хәле турында бастырылган докладта хәбәр итә.
2025 елның гыйнвар-ноябрь айларында ит өчен үстерелгән терлек һәм кош-корт күләме 457 мең тонна тәшкил иткән ( +3,4 процент), сөт – 2,2 млн тонна (+3,6 процент), йомырка – 1,5 млрд данә (+2,1 процент).