1 февральдән ана капиталы арта: Татарстанда гаиләләр ничә сум алачак
Ана капиталы - балалы гаиләләргә дәүләт ярдәме чараларыннан берсе. Февральдә түләү күләме инфляция дәрәҗәсенә (6,8 процент) индексацияләнәчәк. Татарстанлылар нинди суммага өметләнә ала. Бу хакта тулырак – «Татар-информ» агентлыгы материалында.
Беренче бала тугач, 2026 елның 1 февраленнән гаиләләр 737,2 мең сум алачак. Икенче балага ана капиталы күләме, әгәр гаилә аны беренче балага алмаган булса, 974,1 мең сум тәшкил итәчәк. Әгәр беренче бала өчен пособие түләнсә, икенчесенә өстәмә түләү 236,9 мең сумга тигез булачак.
Искәртеп үтәбез, индексация акчаны беренче тапкыр алучыларга да, файдаланылмаган акчалары булганнарга да кагыла. Ана капиталы программасы ким дигәндә 2030 елга кадәр гамәлдә булачак. Хәзерге вакытта түләү беренче, икенче, шулай ук өченче бала туган өчен каралган (беренче ике бала тугач гаилә аналы капиталын алмаган очракта). Аның төп максаты - балалы гаиләләргә ярдәм итү, бу «Гаилә» илкүләм проекты максатларына туры килә.