Дәүләт Думасында хәрби пенсияне арттыру сроклары һәм күләмнәре турында сөйләделәр
Россиядә хәрби пенсияләрне 2026 елның 1 октябреннән 4 процентка индексацияләү планлаштырыла. Әмма индексация көне якынлашыр алдыннан арту күләмен яңадан карарга мөмкиннәр. Бу хакта ТАСС агентлыгына Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов белдергән.
«Быел иминият пенсияләре 1 гыйнвардан индексацияләнде, социаль пенсияләр 1 апрельдән индексацияләнәчәк, ә хәрби пенсияләрне индексацияләүнең үз тәртибе бар. Хәзер бюджетта 4 процентка үзгәрешләр кертелгән», - диде депутат.
Ул билгеләп үткәнчә, кирәкле акчалар бюджетка салынган инде. «Бу Саклану министрлыгы линиясенә генә түгел, барлык көч структуралары пенсионерларына да кагыла», - дип билгеләде Нилов.
Депутат шулай ук искә төшергәнчә, элегрәк хакимият хәрби пенсияләрне арттыру параметрларына төзәтмәләр кертте. Әйтик, 2025 елда башта планлаштырылган индексация коэффициенты арттырылды — пенсияләр каралган 4,5 процент урынына 7,6 процентка индексацияләнде.