Төмән өлкәсендә «Себер йолдызы — Татар егете» бәйгесенә гаризалар кабул итү башланды

Төмән өлкәсендә татар яшьләренә ярдәм итү һәм аларны үстерүгә юнәлтелгән һәм ел саен үткәрелә торган «Себер йолдызы — Татар егете» иҗади бәйгесенә гаризалар кабул ителә башлады. Бу хакта бәйгенең оештыру комитеты хәбәр итә.

Проект талантлы яшьләрне, профессиональ остазларны һәм экспертларны берләштерә, иҗади үсеш, актив яшьләрне берләштерү өчен мәйданчык булдыра. Конкурс кысаларында катнашучыларны кастинглар, белем бирү программасы, остазлар белән эшләү һәм зур финал көтә.

Катнашучылар сәхнә осталыгын үстерү белән генә чикләнмичә, лидерлык, үзеңне тәкъдим итү һәм командада эшләү өлкәсендә дә яңа белемнәр алачак. Бәйге программасы белән беррәттән, Төмән өлкәсендә татар яшьләрен берләштерү өчен чаралар программасы да гамәлгә ашырылачак.

Кастинг нәтиҗәләре буенча жюри бәйге финалистларын билгеләячәк, аларны ике атналык әзерлек программасы көтә. Проектның иң югары ноктасы - гала-концерт, анда егетләр һәм кызлар үзләрен зур сәхнәдә күрсәтәчәк, ә жюри конкурс җиңүчеләрен билгеләячәк. Төп приз — 300 мең сум күләмендә акчалата бүләк.

Бәйгедә

• 17 яшьтән 30 яшькә кадәрге, никахта булмаган

• Төмән өлкәсендә, Уралда һәм Себердә яшәгән

• татар халкының гореф-гадәтләре белән таныш һәм аларны тирәнрәк өйрәнергә омтылучы егетләр һәм кызлар катнаша ала.

Конкурста катнашу өчен гаризаны түбәндәге сылтама аша кереп җибәрергә мөмкин: https://tatar72.ru/

«Себер йолдызы — Татар егете» бәйгесенең оештыру комитеты

Алсу Хафиз, +79274402252

E-mail: sibir.zvezda@yandex.ru