2027 елда россиялеләр картлык буенча пенсиягә чыкмаячак
2027 елда Россиядә яшәүчеләр картлык буенча пенсиягә чыкмаячак, чөнки аңа пенсия яшен арттыруның күчеш чоры туры киләчәк. Бу хакта икътисади аналитик Денис Миролюбов сөйләде, дип яза «Абзац» басмасы.
«2023, 2025 һәм 2027 елларда беркем дә нәкъ менә шушы календарь елында тиешле яшькә җитми. <...> Ягъни яшь чиге сикереп үтә, һәм бу елларда бер үк вакытта тиешле яшькә җиткән һәм кирәкле стажга ия кешеләр юк», – дип аңлатты белгеч.
Пенсиягә чыгу яше ир-атлар өчен 60 яшьтән 65 яшькә кадәр һәм хатын-кызлар өчен 55 яшьтән 60 яшькә кадәр арта. Шул рәвешле, әгәр 1967 елгы хатын-кызлар һәм 1962 елгы ир-атлар 2026 елда пенсиягә чыксалар, 1968 елгы хатын-кызлар һәм 1963 елгы ир-атлар – 2028 елда гына.
2027 елда пенсия түләүләренә вакытыннан алда пенсиягә чыгу хокукы алган, инвалидлык һәм башка ташламалы шартларга ия булучылар исәп тота ала, дип ачыклык кертте аналитик.