Сокуры авылындагы бер кибеттә стеллажлар һәм товарга ут капкан
Лаеш районы Сокуры авылында ике катлы бинада (Завод урамы, 7) янгын чыккан. Икенче катта, кием-салым һәм көнкүреш химиясе сатыла торган «Экономный» кибетендә стеллажлар һәм товар ут капкан.
Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, янгынның мәйданы 50 квадрат метр тәшкил иткән. Ут белән көрәшүчеләр янгынны сүндергән.
Янгынның сәбәбен Дәүләт янгын күзәтчелеге хезмәткәрләре ачыклый.