Совет дикторы Светлана Жильцова 89 яшендә вафат булган
Совет һәм Россия дикторы Светлана Жильцова 89 яшендә вафат булган, дип хәбәр итә Беренче канал.
Ул Альберт Аксельрод белән бергә КВНның беренче алып баручысы иде, шулай ук «Веселые нотки», «Будильник», «Спокойной ночи, малыши», «Песня года», «Пионер» тележурналы һәм башка тапшыруларда катнашуы белән истә калды.
1993 елда телевидениедән китә һәм Югары милли телевидение мәктәбенә укытучы булып урнаша.