Татарстанда көндез 25 градуска кадәр салкын булуы көтелә
Бүген, 4 февральдә, Татарстанда аномаль салкын һава торышы сакланачак. Бу хакта ТР Гидрометеорология үзәге хәбәр итә.
Республика территориясендә аязучан болытлы һава хакимлек итә. Төнлә ява башлаган кар көндез туктаячак.
Секундына 4-9 метр тизлек белән төньяк-көнбатыштан исүче җил вакыт узу белән юнәлешен көньяк-көнбатышка үзгәртәчәк. Кайбер урыннарда аның тизлеге 12 метрга кадәр көчәя (ләкин Казанда түгел). Юлларда бозлавык, ә көнчыгышта кар көртләре барлыкка килә.
Төнге һәм иртәнге салкыннардан соң (көнбатыш районнарда аязганда -32 градуска кадәр) Татарстан буенча һава температурасы көндез -20..-25 градус тәшкил итәчәк. Казанда -20дән -22 градуска кадәр салкын булуы көтелә.