Лаеш районында юл‑транспорт һәлакәтендә берничә бала зыян күргән
Лаеш районында Столбище – Атабево автомобиль юлында җитди юл-транспорт һәлакәте булган.
Дәүләт автоинспекциясенең беренчел мәгълүматлары буенча, «Лада Гранта» автомобилен йөртүче борылганда каршы очраган Hyundai Solaris машинасына юл бирмәгән. Юл-транспорт һәлакәте аркасында ике машина йөртүче һәм берничә балигъ булмаган пассажир зыян күргән.
Автоинспекторлар юл-транспорт һәлакәте сәбәпләрен билгели.