Биектау районы юлларында бер ел эчендә кыргый хайваннар катнашында 10 юл һәлакәте булган
2025 елда Татарстанның Биектау районында кыргый хайваннар катнашында 10 юл-транспорт һәлакәте булган. «Волга» М7 трассасы һәм Каменка – Олы Әтнә юлы иң куркыныч участоклар булып санала. Хайваннар һәм үсемлекләр дөньясы өлкәсендә күзәтчелек буенча җирле бүлек җитәкчесе Александр Фомин юл хәрәкәте иминлеге комиссиясе утырышында шулай дип белдерде.
Барлык очракларда да хайваннар һәлак булган, машиналар җитди зыян күргән. Бер юл-транспорт һәлакәтендә машина йөртүченең гомере өзелгән.
«Аварияләр санының артуы кыргый хайваннарның күбәюе һәм аларны автомобиль юлларына чыгарга мәҗбүр итә торган антропоген йөкләнешнең көчәюе белән аңлатыла», – диде Фомин.
Машина йөртүчеләрне хайваннарның активлыгы арткан чорда аеруча игътибарлы булуларын сорыйлар. Пошилар күбесенчә августтан октябрьгә кадәр юлга чыга. Кабан дуңгызы ноябрьдән декабрьгә кадәр аеруча актив.