Казан заводы Гадәттән тыш хәлләр министрлыгына өр-яңа Ми-38ПС вертолетын тапшырды
Казан вертолет заводы Россия Гадәттән тыш хәлләр министрлыгына өр-яңа МИ-38ПС (эзләү-коткару) вертолетын тапшырды, дип хәбәр итә ведомствоның матбугат хезмәте.
Вертолет сәгатенә 300 чакрым тизлек белән оча ала һәм 40 кешене сыйдыра. Шул ук вакытта, очышларның ераклыгы якынча 1,5 мең чакрым тәшкил итә. Йөк күтәрүчәнлеге -кабинада 4,5 тоннага кадәр.
«Ми-38ПС вертолетын башкаларыннан аерып торган үзенчәлеге шунда, ул автомат рәвештә үзенең барлык борт системаларын тикшерә ала, ягъни очучыга бары тик бер төймәгә генә басарга, тикшерү тәмамланганны көтәргә һәм аның нәтиҗәләрен укырга гына кирәк», – дип сөйләде Казан вертолет заводы очучы-сынаучысы Сергей Яворенко.