Миңнеханов «Бердәм Россия» югары советы бюросы утырышында катнашты
Татарстан Рәисе Рөстәм Миңнеханов видео-конференц-элемтә аша «Бердәм Россия» партиясе югары советы бюросы утырышында катнашты. Бу хакта республика җитәкчесенең матбугат хезмәте хәбәр итә.
Утырышта катнашучылар берничә мәсьәлә турында фикер алышты. Аерым алганда, сүз 2026 елның 18-20 сентябрендә IX чакырылыш РФ Дәүләт Думасы депутатларын сайлауга әзерлек турында барды.
«Бердәм Россия»нең Татарстан төбәк бүлеге 45 җирле һәм 2011 беренчел бүлекне үз эченә ала.