Казанда баласын сәүдә үзәге култыксасына бәйләп куйган әти кешене җаваплылыкка тартканнар
Казанда полиция хезмәткәрләре кечкенә кызын «ходунки»га утыртып сәүдә үзәге култыксасына бәйләп куйган әти кешене җаваплылыкка тарткан. Элегрәк социаль челтәрләрдә чыккан видеоязмада баланың берүзе, өлкәннәр каравыннан башка булуы күренә.
«Татар-информ»га ТР буенча Эчке эшләр министрлыгы матбугат хезмәтендә хәбәр итүләренчә, кызны шунда әтисе калдырган, ул бу вакытта якында гына эшләгән.
Тикшерү нәтиҗәләре буенча ир-атны административ җаваплылыкка тартканнар.