World News in Tatar

Түбән Новгород – Казан маршруты буенча йөриячәк «Метеор 120Р» тизйөрешле судносына билетлар сатыла башлады. Бу хакта ташучының матбугат хезмәтендә хәбәр иттеләр.

Тубылдагы Себер-татар мәдәният үзәгендә «Яшьлеккә сәяхәт» ансамбленең 20 еллыгына багышланган юбилей кичәсе узды. Бу хакта «Яңарыш» газетасында Римма Умитбаева яза.

Март – яшелчә культураларын чәчү һәм бакчаны сезонга әзерләү өчен иң кулай вакыт. Томат, борыч һәм баклажаннарны инде утыртырга була, әмма быел аларны өйдә үстерү яхшырак, чөнки кайбер участокларда әле кар ята, ә туфрак җылынырга өлгермәгән, дип хәбәр итте агроном Михаил Воробьев.

Дәүләт Думасы ОСАГО полисыннан башка йөргән өчен штрафлар санын чикләүче закон кабул итте. Хәзер машина йөртүчене ОСАГО полисыннан башка автомобиль белән идарә иткән өчен җаваплылыкка беренче тапкыр хокук бозу ачыкланганнан соң 24 сәгать эчендә бер генә тапкыр җәлеп итә алачаклар. Бу хакта РИА Новости хәбәр итә.

КФУның Филология һәм мәдәниятара багланышлар институтында бүген «Нәүрүз» халыкара яз фестивале узды.

17 мартта ТР мөселманнары Диния нәзарәте резиденциясендә мөфти Камил хәзрәт Сәмигуллин җитәкчелегендә биналарны һәм җәмәгать урыннарын матур итеп бизәү буенча «Нурлы Рамазан» бәйгесенең оештыру комитеты утырышы узды. Бу хакта ТР Диния нәзарәте матбугат хезмәте хәбәр итә.

Җомга көнне, 20 мартта, «Чулпан» мәдәният үзәгендә балалар өчен бушлай «Аладдин. Бер мәхәббәт тарихы» музыкаль спектакле күрсәтелә. «Батыр» картасы булган балалар, шулай ук инвалидлар тамашаны бушлай карый ала. Әлеге мәхәббәт тарихын Ураза гаете уңаеннан Казан шәһәр филармониясе тәкъдим итә.

20 апрельдән Будапештта Казан дәүләт циркының «Мирас» спектакле күрсәтелә башлый. Бу хакта ТР мәдәният министрының беренче урынбасары Юлия Әдһәмова ТР Дәүләт Советының 19 нчы утырышында хәбәр итте.

Рамазан ае тәмамланырга әле берничә көн бар, ә Татарстан Диния нәзарәтенең «Зәкят» хәйрия фонды «Рамазан – изге гамәлләр ае» хәйрия марафоны кысаларында 6 млн сумга якын ярдәм күрсәтергә өлгергән. Бу хакта ТР Диния нәзарәте матбугат хезмәте хәбәр итә.

Татарстан Республикасы вице-премьеры – Татарстан Республикасының Россия Федерациясендәге Тулы вәкаләтле вәкиле Равил Әхмәтшин бүген Мәскәүдә яшәүче тыл хезмәтчәне Нәҗибә Ибраһим кызы Гаитованы 103 яшьлек туган көне белән котлады. Бу хакта Тулы вәкаләтле вәкиллекнең матбугат хезмәте хәбәр итә.