Новости за 19.10.2025

Октябр ойида Тошкент илиқ кузги рангларга бурканади. Шаҳар олтин барглар ва ёруғ нур ичида янада гўзал кўриниш олади, атрофда осойишталик ва иликлик ҳисси уйғонади.

Хитойда қўлланилаётган технологиялар яна бир қадам олдинга силжиди — энди полиция хизматида сунъий интеллектли робот-итлар ҳам хизмат қила бошлади. Global Times нашрининг ёзишича, Ханчжоу шаҳридаги кўчаларда махсус патрул вазифасини бажарувчи интеллектуал роботлар синовдан ўтказилмоқда.

Янгиҳаёт туманида юз берган воқеа бутун жамоатчиликни илҳомлантирди — мардлик ва инсонпарварлик намунасини кўрсатган талаба вазир томонидан тақдирланди. Бу ҳақда Олий таълим, фан ва инновациялар вазирлигининг матбуот хизмати маълум қилди.

18 октябрь куни кечқурун Тошкентнинг Юнусобод туманида йўл-транспорт ҳодисаси юз берди. ЙҲХБ маълумотига кўра, воқеа Истиқлол ва Зарафшон кўчалари чорраҳасида соат 20:30 да содир бўлган.

Ўзбекистон Республикаси Миллий статистика қўмитаси 2025 йилнинг январь–август ойлари давомида аҳолига кўрсатилган бозор хизматлари ҳажми бўйича янгиланган маълумотларни эълон қилди. Унга кўра, мамлакат бўйлаб аҳоли жон бошига тўғри келган хизматлар умумий ҳажми 16,7 миллион сўмни ташкил этган. Бу кўрсаткич ўтган йилнинг шу даврига нисбатан 11,5 фоизга ўсган.

Қурилиш ишларини лойиҳалашга ихтисослашган масъулияти чекланган жамиятнинг (МЧЖ) архитектори, Музработ туманида яшовчи фуқаронинг ишончига кириб, унинг нотурар жой биноси бўйича ҳужжатларни "муаммосиз ҳал этиб бериш" баҳонасида 17 миллион сўм пул талаб қилган.

Чет элда доимий истиқомат қилаётган АҚШ фуқаролари орасида сиёсий сабабларга кўра Америка фуқаролигидан воз кечаётганлар сони кескин ортмоқда.

“Реал Мадрид” бош мураббийи Хаби Алонсо жамоа сафида ҳозирча асосий таркибга киролмаётган ёш ҳужумчилар — Эндрик ва Гонсало Гарсиянинг тақдири ҳақида сўз юритди.

Хавф даражасини таҳлил қилиш жараёнида тадбиркорлик субъекти фаолиятини тўхтатиб туриш ёки унга тўсқинлик қилиш тақиқланади.

Сурхондарё вилоятида қурилиш соҳасида навбатдаги фирибгарлик ҳолати фош этилди. Бу сафар “лойиҳа ҳужжатларини осон ўтказиб бериш” баҳонаси билан пора талаб қилингани маълум бўлди.

Англия Премьер-лигасининг 8-туридан ўрин олган “Манчестер Сити” – “Эвертон” баҳси нафақат жамоа ғалабаси, балки Эрлинг Ҳоланднинг яна бир ёрқин ўйини билан ёдда қолди. Норвегиялик ҳужумчи икки бор рақиб дарвозасини ишғол этиб, “шаҳарликлар”га муҳим 3 очко келтирди.

Самарқандда “Динамо” ва “Бухоро” жамоалари ўртасидаги баҳс шиддатли ва ҳис-туйғулaрга бой кечди. Суперлиганинг 25-туридан ўрин олган учрашувда самарқандликлар 4:1 ҳисобида зафар қучди. Беллашувдан сўнг “Бухоро” бош мураббийи Александр Хомяков ўйин ҳақида ўз фикрларини билдирди.

Қаршида қиш мавсуми яқинлашар экан, “Насаф” жамоасида муҳим ўзгаришлар бўлиши эҳтимоли юқори. Спорт журналисти Нарзулла Сайдуллаевнинг маълум қилишича, жамоа қишда бир неча етакчи футболчиларини йўқотиши мумкин.

Олий суд ахборотига кўра, сўнгги тўққиз ой мобайнида юртимиздаги фуқаролик ишлари бўйича судлар томонидан 1,1 миллиондан зиёд суд ҳужжатлари қабул қилинган бўлиб, улар орасида 50 мингдан зиёд турмуш ўртоқ никоҳни бекор қилиш мақсадида судга мурожаат қилган.

Суриядаги сиёсий саҳна яна жонланди — мамлакатнинг муваққат президенти Аҳмад аш-Шаръа 15 октябрь куни Москвага расмий ташриф буюрди. Унинг сафари Москва ва Дамашқ ўртасидаги муносабатларга янги мазмун киритиши мумкин, деб ёзади Reuters.

Ла Лига мусобақаси яна қизғин паллага кирди. “Барселона” бош мураббийи Ханс-Дитер Флик жамоасининг навбатдаги рақиби — “Реал Мадрид” ҳақида фикр билдирди.

Мақсад - ЕОИИ агросаноат мажмуасининг интеграцияси ва инновацион ривожланишини чуқурлаштириш истиқболларини муҳокама қилиш.

Жаҳон футболи афсонаси, Франция терма жамоаси собиқ етакчиси Зинедин Зидан идеал футболчи қандай бўлиши кераклигини тасвирлаб берди. Унинг таърифича, орзудаги футболчи энг машҳур ва истеъдодли чарм тўп усталарининг энг яхши жиҳатларини ўзида мужассам этган бўлиши лозим.

Самарқандда байрам кайфияти футбол майдонига ҳам кўчди. “Динамо” жамоаси “Бухоро”га қарши баҳсда ишончли 4:1 ҳисобида зафар қучиб, Самарқанд шаҳри кунини мухлислар учун ҳақиқий тантанага айлантирди.

Англия Премьер-лигасининг саккизинчи турида “Манчестер Сити” ўз уйида “Эвертон”ни 2:0 ҳисобида мағлуб этди. Ушбу ғалабага Эрлинг Холанднинг яна бир дубли сабаб бўлди — норвегиялик ҳужумчи ўзининг гол уриш сериясини давом эттирди ва жамоасига муҳим очколар келтирди. Аммо шунга қарамай, “шаҳарликлар” бош мураббийи Хосеп Гвардиола учрашувдан сўнг футболчиларидан қониқмаганини яширмади.

Саудия Арабистони чемпионатида “Ан-Наср”нинг ғалабали юриши тўхтамаяпти. Бешинчи турда риёдликлар “Ал-Фатех”ни 5:1 ҳисобида мағлуб этди. Ушбу баҳсда Европа юлдузлари ёрқин ўйин намойиш этди: Жоау Феликс хет-трик қайд этди, Криштиану Роналду ва Кингсли Коман эса биттадан гол урди.

Россия қўшинлари махсус ҳарбий операция ҳудудидаги қишлоқларни озод этишда давом этмоқда.

Қирғизистонда Жалолобод шаҳрининг номи Манас деб ўзгартирилгандан кейин, бу ҳудуд атрофида қизғин муҳокамалар бошланди. Миллий хавфсизлик давлат қўмитаси раҳбари Қамчибек Ташиев бу ҳақда фикр билдириб, 24.kg нашрига кўра, Манаснинг келажакда пойтахтга айланиши эҳтимолини истисно этмади.

Туркия Суперлигасининг 9-турида “Истанбул Башакшеҳир” ўз майдонида кучли рақиб — “Галатасарой”ни қабул қилди. Беллашув анчагина курашларга бой ўтди ва якунда меҳмонлар 2:1 ҳисобида ғалаба қозонди.

Миллий статистика қўмитаси маълумотларига кўра, қишлоқ хўжалигининг барча йўналишларидаги хўжаликлар қовун етиштиришда фаол иштирок этди ва умумий ҳосил қарийб 1 миллион тоннага яқинлашди.